Senatorlar Almaty turǵyndarymen ózekti máselelerdi talqylady
Halyqty jumyspen qamtý, áleýmettik qamsyzdandyrý, sondaı-aq shaǵyn jáne orta bıznesti qoldaý – búgingi tańdaǵy asa mańyzdy máseleler bolyp otyr.
Senat depýtattary Sultanbek Mákejanov, Dınar Nóketaeva, Baqytjan Jumaǵulov jáne Nurtóre Júsip Almaty qalasynyń turǵyndarymen kezdesý barysynda talqylanǵan negizgi taqyryptar osy boldy.
Depýtattar qala turǵyndary kótergen barlyq problemalyq máselelerdi baqylaýǵa alatynyn jáne atqarýshy organdardyń nazaryna mindetti túrde jetkizetinin atap ótti.
El Prezıdentiniń «Jańa Qazaqstan: Jańarý jáne jańǵyrý joly» atty Qazaqstan halqyna Joldaýynda aıtylǵan reformalar da aýqymdy áńgimeniń taqyryby boldy. Kezdesýge qatysýshylar atalǵan bastamalardyń mańyzdylyǵyn atap ótip, ondaǵy asa mańyzdy máselelerge nazar aýdardy.
«Jergilikti atqarýshy jáne ókiletti bılik organdarynyń jumysyn jandandyrý jónindegi Memleket basshysy belgilegen basymdyqtardyń mańyzy zor. Elimizdiń Prezıdenti máslıhattardyń rólin arttyrý, olardyń derbestigin qamtamasyz etý qajettigin atap ótti. Bul azamattardyń ókiletti bılikke degen senimin nyǵaıtý úshin qajet» , - dedi Dınar Nóketaeva.