Senatorlar Almaty qalasyndaǵy klınıkalyq aýrýhanalardyń jaǵdaıymen tanysty

NUR-SULTAN. QazAqparat - QR Parlamenti Senatynyń depýtattary Baqytjan Jumaǵulov, Dınar Nóketaeva, Sultanbek Mákejanov, Dana Nurjigitova jáne Nurtóre Júsip qalalyq klınıkalyq aýrýhanalarda boldy, dep habarlaıdy QazAqparat QR Parlament Senatynyń baspasóz qyzmetine silteme jasap.

Senatorlar medıtsına qyzmetkerlerimen kezdesýde halyqqa kórsetiletin dárigerlik kómektiń sapasyn odan ári jaqsartýǵa arnalǵan qural-jabdyqtarmen aýrýhanany jabdyqtaý máselelerin talqylady.

Klınıkadaǵy tegin medıtsınalyq kómektiń kepildik berilgen kólemi, mindetti áleýmettik medıtsınalyq saqtandyrý jáne onyń kóleminen tys aqyly qyzmetter túrinde mamandandyrylǵan medıtsınalyq kómek, onyń ishinde ońaltý kómegin kórsetý týraly senatorlarǵa jan-jaqty aqparat berildi.

Sondaı-aq aýrýhananyń jaqynda keń aýqymdy qyzmet kórsetýge múmkindik beretin jańa medıtsınalyq jabdyqtarmen qamtamasyz etilgeni týraly aıtyldy.

Parlamentshiler medıtsına qyzmetkerlerimen ǵana emes, patsıenttermen de sóılesti. Depýtattar aýrýhananyń tynys-tirshiliginiń problemalyq jaqtaryna, medıtsınalyq qyzmet kórsetý júıesiniń máselelerine de alańdaýshylyq bildirdi.

Kezdesý aıasynda jańadan jóndelgen qalalyq pýlmonologııa ortalyǵynyń saltanatty ashylýy boldy.