Senatorlar aqparat máseleleri boıynsha zań jobasyn qarady

NUR-SULTAN. QazAqparat - Senattyń Áleýmettik-mádenı damý jáne ǵylym komıtetinde Murat Baqtııarulynyń tóraǵalyq etýimen keńeıtilgen otyrys boldy. Onda «Qazaqstan Respýblıkasynyń keıbir zańnamalyq aktilerine aqparat máseleleri boıynsha ózgerister men tolyqtyrýlar engizý týraly» zań jobasy qaraldy, dep habarlaıdy QazAqparat.

Zań jobasy memlekettik aqparat saıasatynyń tutas kórinisin qalyptastyrýǵa, barlyq deńgeıdegi medıa-josparlaý tásilderin úndestirýge, sondaı-aq azamattardyń aqparatqa qol jetkizýin keńeıtýge baǵyttalǵan.

Senator Nurtóre Júsip óz sózinde zań jobasyn qabyldaý memleket pen qoǵam arasyndaǵy baılanys úshin qoldanystaǵy baılanys arnalaryn tıimdi paıdalanýǵa, aqparatqa qol jetkizý salasyndaǵy zańnamany úılestirýdiń ońtaıly tetikterin qalyptastyrýǵa, aqparatqa qol jetkizý týraly zańnamadaǵy quqyqtyq olqylyqtar men kemshilikterdi joıýǵa múmkindik beretinin atap ótti.

Zań jobasy Palatanyń qaraýyna jiberildi.