Senator Jambyl oblysyndaǵy tazartý qurylystaryn salý máselesin sheshýge atsalysatyn boldy
Depýtat baǵdarlamasy boıynsha birinshi kezekte Taraz qalasynyń qasyndaǵy Qostóbe aýylynyń turǵyndarymen kezdesip, qalanyń káriz-tazartý qurylystarynyń ózekti máselelerin talqylady. Mundaǵy súzgi joba boıynsha táýligine 43 myń tekshe metr sýǵa eseptelgen bolatyn. Al qazir munda is júzinde 70 myń m3 deıin sý tazartylady, bul jobalyq qýatynan 1,5 ese artyq. Qazirgi kezde tazartý qondyrǵylarynan shyqqan jaǵymsyz ıis jaqyn mańdaǵy aýyldarǵa deıin jetip otyr, al súzilgennen keıingi qaldyq sý jerasty sýlaryna da aralasýy yqtımal.
Ahýaldy qaraý jáne taldaý barysynda káriz júıesiniń sarqyndy sýlaryn keshendi bıologııalyq tazartý jobasyn zerdeleý jáne kelisý jumystarymen Jambyl oblysy ákimdiginiń Tabıǵı resýrstar jáne tabıǵat paıdalanýdy retteý basqarmasy aınalysatyny anyqtaldy. Alaıda, qazirgi ýaqytta tazartý qurylystaryn salýdy qarjylandyrý máselesi áli de ashyq kúıinde qalyp otyr. Depýtat kezdesý qorytyndysy boıynsha bul máseleni sheshýge qol jetkizý úshin respýblıkalyq deńgeıdegi ýákiletti organdar aldynda kóteretinin aıtty.
Abdaly Nuralıev Ashybulaq aýylynyń turǵyndarymen júzdesýde Memleket basshysynyń Qazaqstan halqyna Joldaýynda aıtylǵan bastamalaryn talqylap, Senat qabyrǵasynda júrgizilip jatqan jumystar týraly aıtyp berdi.