Senator Jambyl oblysynda sý arnalarynyń jumysymen tanysty

TARAZ. QazAqparat – Parlament Senatynyń depýtaty Bekbolat Orynbekov Jambyl oblysynyń Jambyl aýdanynda boldy, dep habarlaıdy QazAqparat.

Senator Tastóbe aýylyndaǵy «Qyzyldıhan» óndiristik kooperatıviniń jumysymen tanysty. Bul kooperatıv aýyldyń 500-ge jýyq turǵynyn jumyspen qamtamasyz etip otyr.

Depýtat aımaqtaǵy sý arnalarynyń jumysynan habardar boldy. Bekbolat Orynbekov óńirdegi sýarmaly jerler máselesi ótkir ekenin aıta kelip, sýarý tehnıkasyn ýaqytyly jáne sapaly jóndeý júrgizý oblystyń damýyna jańa serpin beretinin atap ótti.

«Qazirgi ýaqytta QR Senatynyń depýtattary elimizdiń ómirinde erekshe oryn alatyn asa mańyzdy zańdardy qabyldady. Endi qabyldanatyn zańdardyń sapasyn arttyrý maqsatynda shalǵaıdaǵy aýyldyq aýdandardaǵy qarapaıym turǵyndarmen de pikir almasamyz. Aýdan turǵyndarynyń usynystaryn eskere otyryp qabyldaǵanda ǵana zań sapaly bolady», - dep atap ótti depýtat.

Senator sapar barysynda Moıynqum, Talas, Baızaq aýdandarynda jáne Taraz qalasynda bolyp, birqatar áleýmettik nysandardy aralady jáne halyqpen kezdesti.