Senator Úkimetti kásiporyndardaǵy sanıtarlyq-qorǵaý aımaǵyn belgileý máselesin sheshýge shaqyrdy

<p>ASTANA.&nbsp; KAZINFORM&nbsp; &mdash; Elimizdiń ár aımaǵyndaǵy óndiristerde sanıtarlyq-qorǵaý aımaǵyn belgileýge baılanysty problemalyq másele bar jáne áli kúnge deıin óz sheshimin tappaı keledi. Senator Sultan Dúısembınov Premer-Mınıstrge joldaǵan depýtattyq saýalynda osy máseleni kóterdi.</p>

Depýtattyń aıtýynsha, Qazaqstanda sanıtarlyq-qorǵaý aımaqtarynyń talaptaryn saqtamaı otyrǵan 160-tan astam óndiris nysany jumys isteıdi.

«Táýelsizdik alǵaly beri keńes zamany kezinen jumys istep turǵan kásiporyndardyń aınalasynda sanıtarlyq aımaqtarynda qurylys nysandary salynyp jatyr. Oǵan temir joldar men áýejaılardyń aınalasyn aıtsaq ta bolady. Mysaly, 2019 jyldyń 27 jeltoqsanynda bolǵan avıatsııalyq apat. Áýe kemesi josparlanǵan ishki reısti oryndaý barysynda áýege kóterilgen kezde bıiktigin joǵaltyp, sanıtarlyq-qorǵaý aımaǵyna zańsyz salynǵan jeke menshiktegi turǵyn úıge soǵylǵan. Sanıtarııalyq-qorǵanysh aımaqtarynyń erejelerin Densaýlyq saqtaý mınıstrligi men Ekologııa jáne tabıǵı resýrstar mınıstrligi ekeýi de ázirleıdi. Bir-birine uqsas keledi. Bul erejelerdi biregeılendirýdi qarastyrý qajet», - dedi depýtat.

Senator Memleket basshysy tereń qaıta óńdeý ónimderin óndirýge kóshý arqyly qaıta óńdeý úlesin 70%-ǵa deıin jetkizý týraly mindet qoıǵanyn atap óte kelip, aýyl sharýashylyǵy ónimderin qaıta óńdeý deńgeıiniń tómendigine Úkimet basshysynyń nazaryn aýdardy.

«Joǵaryda atalǵan máseleler sheshilmegen jaǵdaıda, respýblıka boıynsha birqatar zaýyt pen óndiris nysandarynyń jabylýy men jumystarynyń toqtalýyna alyp kelýi múmkin. Osyǵan baılanysty, baıandalǵandardyń negizinde máseleniń ózektiligin eskere otyryp jáne osyndaı táýekelderdiń týyndaýyn boldyrmaý úshin óndiris obektileri qyzmetiniń sanıtarlyq-qorǵaý aımaǵyn belgileý máselesine asa mán berý kerek», - dedi senator Dúısembınov.