Senator tolyq emes otbasy sanatyndaǵylarǵa baspana berý máselesin kóterdi
«Turǵyn úıge muqtaj halyqtyń áleýmettik osal toptaryn aıqyndaý jónindegi tásilderdi qaıta qaraý kerek. Jaqynda ǵana «tolyq emes otbasylar» sanatyn «Baqytty otbasy» baǵdarlamasynan shyǵarýǵa qatysty bastama qoǵamdyq rezonans týdyrdy. Bul baǵdarlamada baspana alýǵa jeńildikpen jyldyq 2 paıyzben nesıe berýdiń múmkindigi jasalǵan. Mundaı sheshim birneshe sebepke baılanysty qabyldandy. Eńbek jáne halyqty áleýmettik qorǵaý mınıstrligi mamandarynyń pikirinshe, memleketten qoldaý alý maqsatynda 2019-2020 jyldary jalǵan ajyrasýlardyń eki ese ulǵaıýy tirkelgen. Múmkin, bul jerde shyndyq bar shyǵar. Alaıda, búginde 148 myńnan astam tolyq emes otbasy baspanaǵa muqtaj ekenin túsiný kerek, onyń 60 paıyzy — kúnkóris deńgeıinen tómen tabysy barlar», - dedi S. Shaıdarov Senattaǵy Úkimet saǵatynda.
Osy oraıda ol mundaı otbasylardyń kópshiligi úshin jyldyq 5 paıyzben nesıege turǵyn úı alý óte aýyr bolatynyn aıtty.
«Sondyqtan ýákiletti memlekettik organdar osy máseleni jan-jaqty zerdelep, naqty muqtaj tolyq emes otbasylar úshin jyldyq 2 paıyzben baspana alý tetigin, sonyń ishinde halyqtyń osy sanatyn turǵyn úımen qamtamasyz etý jónindegi qoldanystaǵy baǵdarlamalarǵa ózgerister engizýdi aıqyndaýy qajet dep sanaımyn», - dedi depýtat.