Senator sot sarapshylarynyń máselesin kóterdi
Senatordyń aıtýynsha, Sot saraptamasy ortalyǵynyń shtat sany 1 272 adamdy qurady. Bul rette jyl saıyn júrgiziletin sot saraptamasynyń kóbeıe túsýine jáne olardyń kúrdelenýine qaramastan, sarapshylarǵa bólingen shtat sany 1998 jyldan beri ózgerissiz qalyp otyr.
«Bul salanyń qyzmetkerleri gepatıt, týberkýlez jáne basqa da asa qaýipti aýrýlardy juqtyrý sııaqty kásibı qaýiptiń ortasynda júr. Zııandy zattarmen jumys, sondaı-aq joǵary psıhoemotsıonaldyq júkteme joǵary bilikti sot sarapshylarynyń jumystan ketýine ákeledi. Bıylǵy 1 naýryzdaǵy jaǵdaı boıynsha 133 saraptama mamany jetispeı otyr. Jalaqynyń az bolýy jaǵdaıdy qıyndatyp otyr. Sarapshylardyń jalaqysy 340 myń teńge, al zerthana qyzmetkerleri 215 myń teńge shamasynda alady», - dedi senator.
Aqmaral Álnazarova obektıvti sot tóreligin, azamattardyń quqyqtary men bostandyqtaryn qorǵaýdy qamtamasyz etý jónindegi negizgi ınstıtýttardyń biri retinde sot saraptamasyn damytýdyń mańyzdylyǵyn aıtty. Osy oraıda ol Úkimet basshysynan sot saraptamasy organdaryna qosymsha shtat bólýdi, sondaı-aq Sot saraptamasy ortalyǵy qyzmetkerleriniń jalaqysyn kóterý múmkindigin qarastyrýdy surady.