Senator: Negizgi maqsat - bıýdjetten bólinetin transfertterdiń kózdegen nysanyna jetýi
«Memleket basshysynyń qazirgi arnaıy tapsyrmalarynyń biri - óńirlerge bólinetin qarajattyń teńgerimsizdigine baılanysty boldy. Osyǵan sáıkes bizdiń komıtette arnaıy jumys toby quryldy, jergilikti atqarýshy jáne ortalyq memlekettik organdarmen birlesip jumys júrgizip, saraptama jasalýda. Basty maqsat - árbir óńirdegi negizgi ári eń ózekti degen máselelerge qarjy jetý kerek. Senat qabyrǵasyndaǵy depýtattar da óńirden saılanǵan, árbir aımaqtyń mán-jaıyn, jaǵdaıyn, halyqtyń turmys-tirshiligin jaqsy biledi. Sondyqtan bizdiń jumys toby óte joǵarǵy deńgeıde qazir qyzmet etýde», - dedi S. Trumov.
Osy oraıda ol ár óńirde jaqyn arada iske asyrylýy tıis mindetter bar ekenin atap ótti.
«Negizgi maqsatymyz - respýblıkalyq bıýdjetten bólinetin transfertterdiń kózdegen nysanyna jetýi bolyp otyr. Bul - negizgi sıpattaǵy transfert, odan keıin maqsatty transfertterdiń óńirlerge bólinetin kólemi de asa mańyzdy másele qatarynda. Mysaly ár óńirdiń ártúrli máseleleri bar. Atyraý óńirinde aýyz sýǵa, ekologııaǵa jáne jolǵa qatysty máseleler bar. Batys Qazaqstan oblysynda elektr energııasyna qatysty máseleler baıqalady. Bizdiń ońtústik óńirlerde halyq sanynyń ósýine baılanysty mektepterdiń qurylysyna qajetti qarajat kerektigi bar. Biz osy qarjynyń tıisti óńirdegi ózekti máselelerge jetýi úshin jergilikti atqarýshy organdarmen, mınıstrliktermen birlesip jumys toby quryldy jáne olarmen jumystardy atqaryp jatyrmyz», - dedi depýtat.