Senator memlekettik aýdıttiń jumysyn synǵa aldy
Senatordyń aıtýynsha, aýdıtorlar jyl saıyn birdeı jáne qaıtalana beretin zań buzý derekterin tirkep keledi. Jumystyń tıisti deńgeıde júrgizilmeýine baılanysty birqatar tekserý nátıjesiz aıaqtaldy.
«Atap aıtqanda, josparlanǵan 82 is-sharanyń 28-i nemese 34% astamy jyldyq tizimge negizsiz engizilgen bolyp shyqty. Soǵan qaraǵanda, tekserilgen jekelegen mınıstrlikterde eshqandaı qaýip deńgeıi joq. Jumystyń durys uıymdastyrylmaýy saldarynan birqatar tekserýdiń nátıjesi tómen ári tıimsiz bolyp shyqty», - dep atap ótti Andreı Lýkın Premer-Mınıstr Álıhan Smaıylovtyń atyna joldaǵan saýalynda.
Sonymen qatar senator kameraldyq baqylaý júrgizý máselesin kóterdi. Depýtattyń aqparaty boıynsha aýmaqtyq departamentter baqylaýdyń bul túrin júrgizgen joq. Degenmen jalpy somasy 300 mlrd teńgeden astam 3 myń memlekettik satyp alý rásimine qatysty júrgizilýi tıis edi.
Tipti ótkizilgen jaǵdaılarda da, sheneýnikter kóbinese shartty jeńildikterdi ózderi esepteıdi. ıAǵnı sheshim tekserýshiniń sýbektıvti pikirine baılanysty bolady. Munymen qosa, aýdıtorlar jekelegen jaǵdaılarda qylmystyq quqyq buzýshylyqtardyń aıqyn belgileri bolǵan kezde materıaldardy quqyq qorǵaý organdaryna jibermeıdi jáne ákimshilik yqpal etý sharalaryn qoldanbaıdy.
Senator osyǵan qatysty aýdıtorlardyń jumysyn jaqsartý men bıýdjet qarjysyn, memleket jáne kvazımemlekettik sektor aktıvterin basqarý men paıdalanýdyń tıimdiligin arttyrý jóninde birqatar usynys aıtty.