Senator: «Qazaqfılmniń» 300 mln teńgege túsirgen týyndysy jeti-aq myń teńge tabys ákelgen

<p>ASTANA. KAZINFORM &ndash;&nbsp; Senat depýtaty Bekbolat Orynbekov Parlament palatalarynyń birlesken otyrysynda bıýdjettiń tıimsiz ıgerilýi kıno salasynda da beleń alǵanyn aıtty.</p>

«Otandyq kınematografııa salasynda kóp jyldan beri kele jatqan úlken problemalar bar. 2016-2022 jyldary «Qazaqfılmge» kıno shyǵarýǵa jáne prokattaýǵa 14,5 mlrd teńge bólingenimen onyń 4,8 paıyzy ǵana aqtaldy», - dedi depýtat.

Senator jekelegen fılmderdiń qaıtarymyna toqtaldy.

«Mysaly, «Arýaq» fılmine 300 mln teńge jumsalsa, tabysy 7 myń teńge ǵana túsken. «Kompozıtor» fılmine 1,2 mlrd teńge baǵyttalsa, onyń tabysy 400 myń teńge boldy. Ulttyq kınony memlekettiń qoldaýy ortalyǵy boıynsha 2019-2023 jyldary bıýdjeti 6,7 mlrd teńge, al prokat sommasy 1,1 mlrd teńge. Ókinishke qaraı, osyndaı mysaldar óte kóp. Sondyqtan memlekettik aýdıtorlardyń esepteri eskerilmedi degen kúmán bar», - dedi ol.