Senator G.Kım Ońtústik Koreıa Elshisimen QR Prezıdentiniń «Ult josparyn» talqylady
19:35, 27 Mamyr 2015
ASTANA. QazAqparat - Parlament Senatynyń depýtaty, halyqaralyq qatynastar, qorǵanys jáne qaýipsizdik komıtetiniń múshesi Georgıı Kım Qazaqstandaǵy Koreıa Respýblıkasynyń Tótenshe jáne Ókiletti Elshisi Cho Engchonmen onyń ótinishi boıynsha kezdesti.
Senattyń baspasóz qyzmetinen habarlaǵandaı, kezdesý barysynda eki jaqty qarym-qatynastyń damý múmkindikteri talqylandy. Sonymen qatar, aqparattyq tehnologııalar men zań shyǵarý salasynda tájirıbe almasý kerektigi atalyp ótildi.
Taraptar N.Á.Nazarbaevtyń «Ult jospary - bes ınstıtýtsıonaldyq reformany júzege asyrý boıynsha 100 naqty qadam» baǵdarlamasyn júzege asyrý máselesin talqylady.