Senator elimizdegi áıelderdi jumys ornynda harassmentten qorǵaýdy talap etti

<p>Qazaqstandaǵy áıelder jumysta zorlyq-zombylyq pen qýdalaýǵa tap bolady. Senator Darhan Qydyráli óziniń depýtattyq saýalynda elimizde Eńbek mınıstrligimen birlesip júrgizilgen BUU zertteýiniń nátıjelerin jarııa etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Depýtattyń aıtýynsha, harassmentke ushyraǵan áıelderdiń 57,6 paıyzy bul faktiler birneshe ret bolǵanyn atap ótti. Bul jaǵdaıda harassment tek fızıkalyq qana emes, sonymen birge adamǵa mentaldy nemese emotsııalyq qysym jasalǵanyn eskerý qajet.

«Elimizde harassmenttiń aldyn alatyn arnaıy zańnyń bolmaýy da úlken másele. Jazalanbaı jeńil qutylatynyn biletinder túrli júgensizdikke barady, qylmysty qymsynbaı jasaıdy. Sondyqtan qorǵansyzdyń kúnin keshpes úshin azamattarymyzdy zorlyq-zombylyqtan qorǵaıtyn zańnamany kúsheıtý kezek kúttirmeıdi. Zań ústemdigi saltanat quratyn ádiletti Qazaqstanda kez kelgen jastaǵy nemese jynystaǵy adam ózin kez kelgen jerde qaýipsiz ári jaıly sezinýi tıis. Halyqaralyq eńbek uıymynyń «Eńbek salasyndaǵy zorlyq-zombylyq pen harassmentti joıý týraly» konventsııasy bar. 2019 jylǵy 21 maýsymda qabyldanǵan konventsııany álemniń 19 eli ratıfıkatsııalady», - D. Qydyráli Senattyń jalpy otyrysynda.

Onyń paıymynsha, Qazaqstannyń osy qujatqa qosylǵany otbasy jáne genderlik saladaǵy mańyzdy qadamdardyń biri bolady.

«Qazaqstan zańnamalarynda, atap aıtqanda Qylmystyq, Eńbek, Ákimshilik kodeksterde jumys ornyndaǵy harassment nemese zorlyq uǵymdaryn engizý, mundaı zań buzý derekterine qarsy tıisti jazany belgileý qaı deńgeıde júrgizilýde? Elimiz halyqaralyq eńbek uıymynyń «Eńbek salasyndaǵy zorlyq-zombylyq pen harassmentti joıý týraly» Konventsııasyna qashan qosylady? Jalpy harassmentke nemese zorlyq-zombylyqqa qarsy keshendi is-sharalar jospary bar ma?», - dedi senator óziniń depýtattyq saýalynda.