Senator Dúısenǵazy Mýsın: Elbasy maqalasynda syn saǵattaǵy damý baǵytyna nazar aýdardy
«Álemdi sharpyǵan koronavırýs pandemııasy qaı elge bolsyn ońaıǵa tıip otyrǵan joq. Osyndaı qıyn qystaý jaǵdaıda bizde aldymen bereke-birlik kerek. Osynaý el basyna kún týǵan sátte Qazaqstan Respýblıkasynyń Tuńǵysh Prezıdenti, Elbasy Nursultan Nazarbaev óz úndeýin joldap otyr. Biz Elbasy aıtqandaı, budan da qıyn talaı zamandy bastan keshirdik. Odaq ydyrap, Táýelsiz el bolǵan jyldary talaı qıyndyq bastan ótti. Biraq Elbasynyń salıqaly saıasatynyń arqasynda búgingideı damý deńgeıine jetip otyrmyz», - dedi D. Mýsın.
Senatordyń pikirinshe, búginde álemge qaýip tónip otyrǵan syn saǵatynda aldymen halyqtyń ishki yntymaǵy berik bolýy tıis.
«Búginde Memleket basshysy Qasym-Jomart Toqaevtyń tapsyrmasymen, Úkimettiń sheshimimen el amandyǵy men ekonomıkasyn saqtaý maqsatynda shuǵyl sharalar qabyldanyp jatyr. Onyń ishinde shaǵyn jáne orta bıznes pen aýyl sharýashylyǵy salasyna basa nazar aýdarylyp, qoldaý kórsetilýde», - dedi ol.
Sonymen qatar, senator aýyl sharýashylyǵy men bıylǵy egistik jaǵdaıyna qatysty óz pikirin alǵa tartty.
«Bizde aýyl sharýashylyǵyna qajetti resýrstardyń bári bar. Prezıdent taıaýda ǵana óz úndeýinde janar-jaǵar maı baǵasyn tómendetý, aýyl sharýashylyǵyna qosymsha qarjy bólý jumystaryn Úkimetke naqty tapsyrdy. Bıylǵy egistik oıdaǵydaı bolady degen senimdemiz. Bul degenimiz erteńgi kúngi azyq-túlik qaýipsizdigimizdi qamtamasyz etý degen sóz», - dedi depýtat.
Onyń aıtýynsha, Elbasy óz úndeýi arqyly eline odan ári damý baǵytyn kórsetip otyr.
«Osyndaı syn saǵatynda Elbasy halqyna batasyn berdi, jol kórsetip, bizde bar múmkindikterge basa nazar aýdardy», - dedi D.Mýsın.
Foto: altaynews.kz