Senator aýyldardaǵy memqyzmetshilerdiń sanyn qysqartpaýǵa shaqyrdy

NUR-SULTAN. QazAqparat - Senator Olga Perepechına Premer-Mınıstrdiń atyna joldaǵan depýtattyq saýalynda aýyldy jerlerdegi memlekettik qyzmetshilerdiń sanyn qysqartpaýǵa shaqyrdy, dep habarlaıdy QazAqparat tilshisi.

«Nazar aýdaratyn taǵy bir másele – bilikti kadrlardyń jetispeýshiligi. Bıýdjettiń tórtinshi deńgeıin engizý jaǵdaıynda aýyldy jerlerdegi apparatty 25 paıyzǵa qysqartý jaǵyna baıqap kelý kerek. Sebebi onda bir adam birneshe qyzmetti atqaryp otyr. Olardy qysqartý jumys sapasyna keri áser etedi», - dedi Olga Perepechına Parlament Senatynyń otyrysynda joldaǵan depýtattyq saýalynda.

Senatr sondaı-aq bıýdjetten beriletin nysanaly transfertter aýyl ákimdikteriniń shyǵystaryn qarjylandyrýdyń negizgi kózi bolyp qalatynyn atap ótti.

Eske sala ketsek, buǵan deıin Memlekettik qyzmet isteri agenttiginiń tóraǵasy Anar Jaıylǵanova memqyzmetshilerdi qysqartý máselesine qatysty suraqtarǵa jaýap bergen edi.