Senator aýyl sharýashylyǵy tehnıkasyn jańartýǵa qatysty usynys aıtty
«Іs júzinde elimizdiń barlyq óńirinde bıýdjet qarajaty esebenin salynǵan ári daıyndalǵan, ınfraqurylymmen qamtylǵan ındýstrııalyq aımaqtar bar. Alaıda olardyń kóbisi búginde tolyq óndiristik qýatqa júktelmegen. Sondyqtan tıisti ókiletti organdar ındýstrııalyq aımaqtardy taldaý arqyly mashına jasaý zaýyttaryn salý úshin ınvestorlardy tartýy máselesin pysyqtaýy kerek», - dedi M. Jumaǵazıev Senatta aýyl sharýashylyǵy tehnıkasy taqyrybyna arnalǵan dóńgelek ústel otyrysynda
Sonymen qatar depýtat otandyq tehnıkalardyń ınvestıtsııalyq sýbsıdııalar normatıvterin qaıta qaraý qajet ekenin atap ótti.
«Qazirgi kezde sharýalar kóterip otyrǵan mańyzdy máselelerdiń biri – ýtıl alym mólsherlemesi. Bul biraz talqylaýda boldy. Ýtıl alymynyń mólsherlemesin 50 paıyzǵa deıin tómendetýge sharýalar qanaǵattanbaı otyr. Meniń oıymsha, fermerler arasynda túsindirý jumystaryn júrgizý kerek. Sebebi ony tolyǵymen alyp tastaý da durys bolmaıtyn shyǵar. «ÓKM Operatory» JShS jabylǵannan keıin, qaıta óńdeýge arnalǵan jabdyqtardy tapsyryp, sertıfıkat alǵan sharýashylyqtar olardy paıdalana almaı otyr. Óıtkeni dılerler olardy qabyldamaıdy. Sondaı-aq lızıngtik kompanııalar arqyly jabdyq satyp alý úshin sertıfıkatty bastapqy jarna retinde paıdalaný múmkindigi týraly másele birneshe ret kóterildi. Osyny sheshken jón bolar edi», - dedi senator.
Budan buryn habarlanǵandaı, traktor parkiniń 80 paıyzynyń, kombaın parkiniń 76 paıyzynyń qoldaný merzimi 10 jyldan asyp ketti.
Respýblıka boıynsha aýyl sharýashylyǵy tehnıkasynyń ortasha jańarý deńgeıi 2022 jyldyń 1 qańtaryndaǵy jaǵdaı boıynsha 4,3 paıyzdy qurady.
Al bekitken normatıvke sáıkes jyl saıyn 6 paıyzy jańarýy kerek.
Búgingi jaǵdaıdy eskere otyryp, orta eseppen alǵanda tehnıkanyń jańarý deńgeıi 8-10 paıyzdan kem bolmaýy kerek.