Senator Almatyda tóbelesken sheteldikter týrasynda: olar endi elimizge kele almaıdy

<p>ASTANA. KAZINFORM &ndash; Senator Marat Qojaev Almatyda janjalǵa qatysqan úndistandyq stýdentterdi deportatsııalaýǵa qatysty pikir aıtty.</p>

- Shetelden kelgen meımandar bizdiń eldiń zańdaryna, tártibine jáne salt-dástúrine qurmetpen qaraýy kerek. Osyndaı talaptar jalpy álemdik tájirıbede eskerilgen, ıaǵnı kez kelgen memlekette bolǵan kezde, sol eldiń zańnamasyn oryndaımyz. Atap aıtqanda, zań talaptary buzylsa, bizdiń zańnamaǵa sáıkes sheteldikter deportatsııalanady. Olardyń osynda zańdy oqýda júrýine ruqsat beretin qujattarynyń kúshi joıylady. Bul sheteldikter aldaǵy bes jylda el aýmaǵyna kire almaıdy, - dedi M. Qojaev Senattyń jalpy otyrysynan keıin tilshiler suraǵyna jaýap bere otyryp.

Budan buryn habarlanǵandaı, jaqynda Ǵylym jáne joǵary bilim mınıstri Saıasat Nurbek Almatyda jappaı tóbeles shyǵarǵan úndistandyq stýdentter týraly pikir bildirdi.

Janjalǵa tek qana úndistandyq stýdentter qatysqan, qazaqstandyq stýdentterdiń qatysy joq.