Senator Aqylbaı: Jer týraly pikirsaıysta Konstıtýtsııanyń 26-babyna silteme jasaý - qate

ASTANA.  QazAqparat - Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı Qazaqstan Respýblıkasynyń Konstıtýtsııasynyń 26-shy babyna túzetýler engizý jobasy boıynsha túsindirme berdi. 

Jobada baptyń 1-shi tarmaǵy «Árkim zańdy túrde alǵan qandaı da bolsyn múlkin jeke menshiginde ustaı alady» degen mátinde usynylyp otyr.

S.Aqylbaıdyń túsindirýi boıynsha, «azamattar» degen sóz «árkim» sózimen almastyrylady. Bul jerde «árqaısysy» dep Qazaqstannyń azamattary, sheteldik azamattar jáne azamattyǵy joq adamdar dep túsinýge tıispiz. Nege biz elimizdiń rezıdenti emes adamnyń nemese azamattyǵy joq adamnyń múlkiniń saqtalýyn qamtamasyz etpeýimiz kerek? Máselen, onyń kóligi, kıimi, kompıýteri bar. Munyń bári sol adamnyń múlki bolyp sanalady. Odan basqa, sheteldik azamattar munda ınvestıtsııa ákeledi, ol da múlik. Kelgen ınvestıtsııa qorǵalýy kerek, ony Konstıtýtsııamen saqtandyrylýyn qamtamasyz etý kerek», - dep atap ótti ol.

«Jer týraly másele - ol basqa mártebege ıe, múlde basqa erejemen retteledi», - dedi S.Aqylbaı.

«Biz bul jerde Konstıtýtsııanyń 6-shy babyna júginýimiz kerek, onda jer zańda kórsetilgen jaǵdaılarda ǵana jeke menshikke beriletini jazylǵan. ıAǵnı, munda Jer týraly jáne Azamattyq kodeksterge silteme jasalǵan, al ol zańdarda sheteldikterdiń aýyl sharýashylyǵyna arnalǵan jerlerdi satyp alýy týraly birde-bir sóz joq», -dedi S.Aqylbaı.

S.Aqylbaıdyń aıtýynsha, 26-shy baptyń 1-shi tarmaǵyna baılanysty jer týraly pikirtalastyń negizi joq, óıtkeni, jer máselesi bul erejemen qarastyrylmaıdy. «Sheteldikterdiń Qazaqstanda aýyl sharýashylyǵyna arnalǵan jerlerge ıe bolýy múmkin emes. Durys túsindirilgende, eshqandaı olqylyq bolmaý kerek. Bári de bizdiń zańdarymyzǵa sáıkes bolyp otyr. Memleket basshysy aýyl sharýashylyǵy jerleriniń sheteldikterge satylmaıtyny týraly buryn da aıtqan bolatyn. Jer, sý, tabıǵı resýrstar - olar múlik emes. Olar erekshe mártebege ıe», - dedi joǵarǵy Palatanyń salalyq komıtetiniń basshysy.

Bıznesti qorǵaý taqyrybyna baılanysty S.Aqylbaı: «Biz sheteldik azamattyń da, azamattyǵy joq adamnyń da jeke múlkinniń qorǵalýyn qamtamasyz etýge tıispiz. Memleket olar ákelgen ınvestıtsııa men zańdy túrde alynǵan múlkiniń qorǵalýyna osylaı kepildik bere alady», - dep atap ótti.