Senator: Ahmet Baıtursynulynyń 150 jyldyǵyn ıÝNESKO deńgeıinde atap ótý kerek

NUR-SULTAN. QazAqparat – Senat depýtattary QR Premer-Mınıstriniń atyna Ahmet Baıtursynulynyń 150 jyldyǵyn ıÝNESKO deńgeıinde atap ótý, sondaı-aq is-sharalar baǵdarlamasyn tereń ıdeıalyq mazmunmen baıytý týraly usynystar joldady, dep habarlaıdy QazAqparat tilshisi.

«Biz Ahmet Baıtursynulynyń ómiri men shyǵarmashylyǵyn zertteýge arnalǵan ǵylymı konferentsııalar men dóńgelek ústelder ótkizý, oǵan elordada jáne ózi qyzmet etken Qyzylorda, Semeı, Almaty qalalarynda eskertkishter qoıý qajet dep sanaımyz. Sondaı-aq, Sizden Qostanaı oblysy ákimdiginiń aldyna Ahmet Baıtursynulynyń aýylyn abattandyrý, oǵan aparatyn joldardy jóndeý týraly tapsyrma berýińizdi suraımyz», - dedi Altynbek Nýhuly Senattyń jalpy otyrysynda jarııalaǵan depýtattyq saýalynda.

Senatorlar sonymen qatar Ult ustazyna arnap derekti jáne kórkem fılmderdi kóbirek túsirý týraly usynys aıtty.

Depýtat saýalyn naýryz aıyna josparlanǵan «Ult qundylyqtaryn saqtaý men nyǵaıtý – táýelsiz eldiń kemel bolashaǵy» taqyrybyndaǵy Parlamenttik tyńdaýlarǵa daıyndyq barysynda Altynbek Nýhuly, Nurlan Ábdirov, jáne ózge de senatorlar joldady.