Senat Joǵarǵy Sottyń eki sýdıasyn qyzmetinen bosatty

ASTANA. QazAqparat - Búgin Parlament Senatynyń jalpy otyrysynda QR Joǵarǵy Sotynyń eki sýdıasy qyzmetinen bosatylyp, olardyń ornyna eki sýdıa jańa qyzmetke taǵaıyndaldy.

Atap aıtqanda, QR Prezıdenti Nıkolaı Mamontov pen Núrııa Synǵalıevany ornyna túsýine baılanysty Joǵarǵy Sot sýdıasy qyzmetinen bosatý týraly usynym jasaǵan. «Sýdıalar zeınetkerlik jasqa jetken jáne sot júıesinde qyzmet atqarǵan ýaqytta ózderin bedeldi, tájirıbeli sýdıalar retinde kórsetti, qyzmetterin úlken jaýapkershilikpen atqardy», - dedi bul másele jóninde sóz sóılegen QR Joǵarǵy Sot Keńesiniń Tóraǵasy Bektas Beknazarov.

Budan bólek, Senattyń qaýlysymen Serik Abdrahmanov pen Meıram Janǵuttınov QR Joǵarǵy Sotynyń sýdıasy qyzmetine saılandy.

Saılanǵan sýdıalar Konstıtýtsııa normalaryna sáıkes, Senat depýtattarynyń aldynda ant qabyldady.