Senat Joǵarǵy sot sýdıasyn laýazymynan bosatty

<p>ASTANA. KAZINFORM &ndash; Senat depýtattary Talǵat Ibrashevti Joǵarǵy sot sýdıasy laýazymynan bosatý týraly qaýly qabyldady.</p>

Senat otyrysynda Joǵary Sot Kenesiniń Tóraǵasy Denıs Shıpp palata depýtattarynyń aldyna osyndaı usynymmen shyqty. Bul usynymdy Konstıtýtsııalyq zańnama, sot júıesi jáne quqyq qorǵaý organdary komıteti de qoldap, qorytyndy shyǵarǵan.

«Konstıtýtsııalyq zańnama, sot júıesi jáne quqyq qorǵaý organdary komıteti óziniń keńeıtilgen otyrysynda QR Prezıdentiniń Joǵary Sotynyń sýdıasyn qyzmetinen bosatýǵa usynylǵan kandıdatýrany talqylap, qorytyndy shyǵardy. Prezıdent usynymy negizinde jáne Konstıtýtsııanyń 55-babynyń 1-tarmaqshasyna, QR Parlamenti men ony depýtattarynyń mártebesi týraly konstıtýtsııalyq zańynyń 22-babyna, QR Sot júıesi jáne sýdıalardy mártebesi týraly konstıtýtsııalyq zańynyń 34-baby 1-tarmaǵynyń 8-tarmaqshasyna, 3-tarmaǵynyń 1-tarmaqshasyna sáıkes komıtet Parlament Senatyna Talǵan Áýlıehanuly Ibrashevti basqa qyzmetke taǵaıyndalýyna baılanysty QR Joǵary Sotynyń sýdıasy qyzmetinen bosatýdy usynady», - dedi komıtet tóraǵasy Nurlan Beknazarov.

Talǵat Ibrashev Prezıdent Jarlyǵymen 19 sáýirde Almaty oblystyq sotynyń tóraǵasy bolyp taǵaıyndalǵan bolatyn.