Senat: Jer qatynastary týraly zań jobasy eki oqylymda birden qaralady

ASTANA. QazAqparat - Aldaǵy aptada ótetin Senattyń jalpy otyrysynda Jer qatynastary týraly zań jobasy 2 oqylymda birden qaralady. Mundaı sheshim búgin Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda qabyldandy, dep habarlaıdy QazAqparat.

Keńeıtilgen otyrysta QR Aýyl sharýashylyǵy vıtse-mınıstri Nurlan Nysanbaev «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasyn tanystyrdy. 

«2016 jylǵy  jer komıssııasy jumysynyń qorytyndysy boıynsha daıyndalǵan. Zań jobasy kelesi suraqtardy qamtıdy: aýyl  sharýashylyǵy jerlerin  qazaqstandyqtarǵa jalǵa berý normasyn saqtaý jáne jetildirý; aýyl sharýashylyǵy jerleriniń jalǵa beriletin shekti mólsherin belgileý; shekara aýmaǵyndaǵy aýyl sharýashylyǵy jerlerin paıdalaný talaptaryn kúsheıtý; turǵyndardyń jaıylym alqaptaryna degen qajettiligin qamtamasyz etý», - dedi Erlan Nysanbaev.

Osydan keıin komıtet músheleri zań jobasyn talqylamastan birden Senattyń jalpy otyrysyna shyǵarýǵa kelisti. ıAǵnı, aldaǵy aptada ótetin jalpy otyrysta bul zań jobasy ýaqyttyń tyǵyzdyǵyna baılanysty birden eki oqylymda qaralatyn bolady.

Otyrystan keıin Aýyl sharýashylyǵy vıtse-mınıstri zań jobasynyń Senat jalpy otyrysynda birden 2 oqylymda qaralatyndyǵyn túsindirdi.

«Bul zańdy halyq kútip otyr. Nege? Tirshilik bir ornynda turmaıdy. Halyqqa tirshilik jasaý úshin kúndelikti  jer kerek. Sol sebepten biz bul zańdy tezirek shyǵaryp, jańa talaptarǵa sáıkes kóktemnen bastap jerdi bere bastaýymyz kerek», - dedi ol.