Senat veıpterge tyıym salatyn zańdy Májiliske qaıtardy

<p>ASTANA. KAZINFORM &ndash; Búgin Senattyń jalpy otyrysynda &laquo;Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly&raquo; Zańy ekinshi oqylymda qaraldy. Senat zańnyń jekelegen baptaryn jańa redaktsııada usynyp, ony Májiliske qaıtardy.</p>

Zań halyqty sapaly jáne tolyqtaı medıtsınalyq kómekpen qamtamasyz etý, medıtsına qyzmetkerleriniń kásibı jaýapkershiligin saqtandyrý júıesin engizý arqyly zııandy óteýge memleket kepildik bergen patsıentterdiń quqyqtaryn iske asyrý, medıtsınalyq mamandyqtyń mártebesi men bedelin arttyrý maqsatynda ázirlendi.

Senattyń Áleýmettik-mádenı damý jáne ǵylym komıtetiniń málimetinshe, zańnyń mindetteri — medıtsına qyzmetkerleriniń jaýapkershiligin mindetti saqtandyrýdy quqyqtyq retteýdi engizý, medıtsınalyq qyzmetti júzege asyrý nátıjesinde azamattardyń ómiri men densaýlyǵyna zııan keltirý jónindegi qatynastardy ishinara qylmystyq sıpattan aryltý, medıtsına qyzmetkerleriniń mártebesin arttyrý, patsıentterdiń medıtsınalyq kómektiń sapasyn arttyrýǵa quqyqtaryn qorǵaý.

Zańmen mynalarǵa: 

— medıtsına qyzmetkerleriniń kásibı jaýapkershiligin saqtandyrý júıesin engizýge;
— medıtsınalyq kómek kórsetetin densaýlyq saqtaý sýbektileriniń medıtsına qyzmetkerleriniń kásibı jaýapkershiligin saqtandyrýdy qamtamasyz etý jónindegi mindetterin engizýge;
— medıtsına jáne farmatsevtıka qyzmetkerlerine áleýmettik kepildikter belgileýge, medıtsınalyq mamandyqtyń mártebesi men tartymdylyǵyn arttyrýǵa;
— veıpterdi ákelýge jáne taratýǵa tyıym salýdy, sondaı-aq shegilmeıtin temeki zattaryn, qyzdyrylatyn temekisi bar buıymdardy, qorqorǵa arnalǵan temekini, qorqor qospasyn, temekini qyzdyrýǵa arnalǵan júıelerdi, elektrondyq tutyný júıelerin (veıpterdi), olarǵa arnalǵan hosh ıistendirgishter men suıyqtyqtardy jarnamalaýǵa tyıym salýdy belgileýge baǵyttalǵan túzetýler usynyldy.

«Sybaılas jemqorlyqqa qarsy is-qımyl týraly» Qazaqstan Respýblıkasynyń Zańyna engiziletin túzetýlermen áskerı dárigerlerdiń áskerı qyzmet mindetterin oryndaýǵa kedergi keltirmeıtin aqyly medıtsınalyq qyzmetpen aınalysý quqyǵy bekitiledi. «Rezıdent-áskerı dáriger» degen jańa uǵym engiziledi, osyǵan baılanysty olardy oqytý, áskerı qyzmet ótkerý týraly kelisimsharttyń merzimi, áskerı laýazymǵa taǵaıyndaý jáne áskerı qyzmetten bosatý máseleleri reglamentteledi.

Sonymen qatar «Qazaqstannyń eńbek sińirgen dárigeri», «Óz kásibiniń úzdigi» qurmetti ataqtaryn berý medıtsına qyzmetkeriniń praktıkalyq qyzmetke degen senimin arttyrýǵa jáne yntalandyrýǵa baǵyttalǵan.

Búgin jalpy otyrysta zańdy ekinshi oqylymda talqylaý barysynda Parlament Senatynda mynalardy:

— Zańda shegilmeıtin temeki buıymdarynyń, elektrondyq tutyný júıeleriniń (veıpterdiń), olarǵa arnalǵan hosh ıistendirgishter men suıyqtyqtardyń aınalymy úshin qylmystyq jaýaptylyqtyń zańmen belgilenýine baılanysty QR Ákimshilik quqyq buzýshylyq týraly kodeksinen elektrondyq tutyný júıeleri men olarǵa arnalǵan suıyqtyqtardy satý, paıdalaný, olarǵa demeýshilik kórsetý úshin jaýaptylyqty reglamentteıtin normalardy alyp tastaýdy;

— shegilmeıtin temeki buıymdary men veıpterdiń taýar belgisiniń elementterin nemese ataýyn paıdalana otyryp, taýarlardy (jumystardy, kórsetiletin qyzmetterdi) jarnamalaýǵa, sondaı-aq shegilmeıtin temeki buıymdary men veıpterge suranys pen qyzyǵýshylyqty yntalandyrýǵa baǵyttalǵan túrli is-sharalardy, onyń ishinde júldeler utys oıyndaryn, lotereıalardy ótkizýge tyıym salýdy belgileýdi kózdeıtin ózgerister men tolyqtyrýlar engizildi.