Senat Ulttyq qordan kepildendirilgen transfert týraly qujatty qabyldady
11:50, 04 Sáýir 2019
NUR-SULTAN. QazAqparat - Parlament Senatynyń jalpy otyrysynda «QR Ulttyq qorynan 2019-2021 jyldarǵa arnalǵan kepildendirilgen transfert týraly» QR Zańyna ózgeris engizý týraly» Zańy qabyldandy. Bul turǵyda Ulttyq qordan respýblıkalyq bıýdjetke beriletin kepildendirilgen transfert mólsherleri 2019 jyly 250 mlrd teńgege ulǵaıtylady, dep habarlaıdy QazAqparat tilshisi.
Atap aıtanda, «Nur Otan» partııasynyń kezekti XVIII sezinde berilgen tapsyrmalaryn iske asyrý úshin Ulttyq qordan kepildendirilgen transfert mólsherin 2019 jyly 2 trln 450 mlrd teńgeden 2 trln 700 mlrd teńgege deıin arttyrý eskerilgen.
«Kepildendirilgen transferttiń 2019 jylǵa belgilengen mólsheri Ulttyq qordaǵy tómendetilmeıtin qarajat qaldyǵy boıynsha sharttyń oryndalýyn JІÓ-niń 30 paıyzy kóleminde qamtamasyz etedi», - dedi Ulttyq ekonomıka mınıstri Rýslan Dálenov.