Senat Ulttyq qordan balalarǵa aqsha aýdarý týraly zańdy Májiliske qaıtardy

<p>Búgin Senattyń jalpy otyrysynda &laquo;Qazaqstan Respýblıkasynyń keıbir zańnamalyq aktilerine Ulttyq qordan balalarǵa arnalǵan qarajatty esepteý, tóleý jáne paıdalaný máseleleri boıynsha ózgerister men tolyqtyrýlar engizý týraly&raquo; Zańnyń jekelegen baptary maquldanbady. Bul rette, atalǵan baptardyń jańa redaktsııasyn usyna otyryp, qujat Májiliske qaıtaryldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

«Memleket basshysy 2022 jylǵy 1 qyrkúıektegi Qazaqstan halqyna arnaǵan Joldaýynda «Ulttyq qor – balalarǵa» atty jobany iske asyrýdy usyndy. Bul joba - óskeleń urpaqtyń eresek ómirge naqty joldama alýyna baǵyttalǵan alǵashqy qadam. Ulttyq baılyqtyń halyqtyń múddesine jumsalýy jáne onyń ıgiligin kórýi – «Ádiletti memleketti» qurýdyń naqty kórinisi dep aıtýǵa tolyq negiz bar. Qazir resmı derekter boıynsha elimizde 18 jasqa deıingi balalardyń jalpy sany shamamen 6,7 mln adamdy qurap otyr. Usynylǵan zańǵa sáıkes Ulttyq qordyń ınvestıtsııalyq tabysynyń 50 paıyzyn 18 jasqa deıingi barlyq jastaǵy balalar arasynda teń bólý kózdelgen. Ulttyq qor qarajatyn bilim alýǵa jáne turǵyn úı jaǵdaıyn jaqsartýǵa baǵyttalǵan naqty eki maqsatta paıdalaný usynyldy», - dedi senator Bekbol Orynbasarov zańdy birinshi oqylymda maquldaý kezinde.

Onyń aıtýynsha, bilim alý baǵyty boıynsha qarajatty joǵarǵy oqý oryndarynyń aqysyn tóleýge nemese memlekettik bilim berý jınaqtaý júıesine aýdarýǵa múmkindik beriledi.

Sheteldik oqý ornynda oqý aqysyn tóleýge qarajatty paıdalaný shektelmeıdi.

«Al turǵyn úı satyp alý nemese turǵyn úıdiń jaǵdaıyn jaqsartý baǵyty boıynsha qarajatty paıdalaný tek Qazaqstan Respýblıkasy aýmaǵynda ǵana ruqsat etiledi. Sonymen qatar, bul qarajatty bastapqy jarna, ıpotekalyq qaryzdar boıynsha tólem retinde aýdarýyna múmkindik beriledi. 18 jasqa tolǵan kezde jınaqtalǵan qarajat balanyń menshigi bolady, ózi ashqan ýákiletti operatorlardaǵy shottarǵa jiberiledi. Sondaı-aq, qarajatty alýshylar retinde zańdy ókilder men muragerler de bola alady. Bala 18 jasqa tolǵannan keıin shottaǵy qarajat 10 jyl boıy saqtalatyn quqyq beriledi. Shottaǵy qarajat 10 jyl ishinde talap etilmegen jaǵdaıda, sol adamnyń zeınetaqy shotyna aýdarý múmkindigi bar», - dedi depýtat.

Aıta keteıik, Qazaqstan Respýblıkasy azamattyǵynan aıyrylǵan nemese aýysqan kezde tólemderge talap qoıý quqyǵy joıylady.

Shottaǵy qarajattyń maqsatty paıdalanylýyn saqtaý úshin jobanyń operatory retinde «Biryńǵaı jınaqtaýshy zeınetaqy qory» Aktsıonerlik qoǵamyn aıqyndaý josparlanyp otyr.

Sonymen qatar, atalǵan zańdy ekinshi oqylymda qaraý barysynda senatorlar birqatar túzetý engizip, qujatty Májiliske qaıtarý týraly sheshim jasady.

Osy oraıda zańnyń keıbir erejelerin ishinara sáıkestendirý eskerilgen.

Munymen qosa, Ulttyq ál-aýqat qorynyń jalǵyz aktsıoneriniń quzyretin reglamentteıtin qaıtalanatyn normalardy alyp tastaý qarastyryldy.

«Qazaqstan Respýblıkasynyń Tuńǵysh Prezıdenti – Elbasy týraly» Konstıtýtsııalyq Zańnyń qoldanylýy toqtatylýyna baılanysty «Qazaqstan Respýblıkasynyń arnaýly memlekettik organdary týraly» Zańnyń normalaryna sáıkes keltirý qamtylǵan.

«Bankter men salymshylar arasynda daýly jaǵdaılardyń týyndaý táýekelderin boldyrmaý maqsatynda paıdalanylmaǵan nysanaly jınaqtardy tóleý qarajatyn banktik shottardan BJZQ shottaryna AQSh dollarymen aýdarý kezinde «aýdarym kúnine» emes, «aýdarym sátine» teńgemen aıyrbastaýdy eskerilmek», - dedi Bekbol Orynbasarov.