Senat tóraǵasy: Qazaqstan saılaýǵa baqylaý júrgizý protsesine basa mán beredi
Júzdesý barysynda Senat tóraǵasy Qazaqstan saılaýǵa baqylaý júrgizý protsesine basa mán berip otyrǵanyn jáne saıası naýqandy joǵary deńgeıde uıymdastyrý úshin barlyq tıisti sharalardy qolǵa alǵanyn atap ótti.
Óz sózinde Máýlen Áshimbaev aldaǵy Májilis jáne máslıhattar saılaýynyń mańyzyna toqtaldy.
«Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń bastamasymen qurylǵan Túrkitildes elderdiń Parlamenttik Assambleıasy qazirgi tańda bedeldi halyqaralyq uıymǵa aınalyp otyr. Sondyqtan TúrkPA ókilderi saılaýdy baqylaýǵa qatysýynyń Qazaqstan úshin mańyzy joǵary», – dedi Senat tóraǵasy.
Sondaı-aq, ol Prezıdent Qasym-Jomart Toqaevtyń bastamasymen elimizdiń saıası júıesin damytýǵa arnalǵan saıası reformalar toptamasy qabyldanǵanyna nazar aýdardy. Onyń aıtýynsha, Memleket basshysynyń bastamasymen qabyldanǵan zańdar Qazaqstanda kóp partııalylyqty nyǵaıtýǵa jáne azamattardyń saıası úderisterge qatysýyn keńeıtýge baǵyttalǵan.
«Prezıdentimiz bıyl jańa saıası jańǵyrýlar jarııalanatynyn aıtty. Osylaısha, Qazaqstan saıası júıeni demokratııalandyrý jáne damytý baǵyttary boıynsha jumystardy jalǵastyra beredi», – dedi Máýlen Áshimbaev.
Sonymen qatar Senat spıkeri saılaýdy halyqaralyq normalarǵa sáıkes ótkizý úshin barlyq qajetti sharalar qabyldanǵanyn jáne halyqaralyq baıqaýshylarǵa tıisti jaǵdaı jasalǵanyn aıtty.