Senat Tóraǵasy Qasym-Jomart Toqaev ıÝNEIDS basshysymen kezdesti

ASTANA. QazAqparat - Senat Tóraǵasy Qasym-Jomart Toqaev BUU Bas hatshysynyń orynbasary, ıÝNEIDS (BUU AITV/JITS jónindegi birikken baǵdarlamasynyń) Atqarýshy dırektory Mıshel Sıdıbemen kezdesti.

Senat basshysy Qazaqstan SPID, ókpe aýrýlary jáne bezgekpen kúres jónindegi BUU VICh/SPID jónindegi birikken baǵdarlamasynyń qyzmetin joǵary baǵalaıtynyn atap ótti. Q.Toqaev VICh/SPID-pen kúres Qazaqstan Úkimetiniń negizgi strategııalyq qujattaryna, densaýlyq saqtaý salasyn damytý jónindegi «Salamatty Qazaqstan» memlekettik baǵdarlamasyna engenin aıtty. Sondaı-aq VICh-tiń taralýymen kúres jónindegi Ortalyq Azııa elderi úshin Almatyda aımaqtyq keńsesi ashylýynyń mańyzdylyǵy da aıtyldy. 

M.Sıdıbe Qazaqstan Úkimetiniń VICh/SPID-pen kúres jónindegi sharalaryn joǵary baǵalady jáne BUU VICh/SPID jumysy keńinen qoldaý tapqany úshin elimizdiń basshylyǵyna alǵys aıtty.
Dúnıejúzilik densaýlyq saqtaý uıymy sarapshylarynyń baǵalaýy boıynsha Qazaqstan halqynyń arasynda VICh indetiniń taralý deńgeıi 0,1 paıyzdy quraıdy, Ortalyq Azııa aımaǵyndaǵy basqa elderge qaraǵanda jáne ortasha álemdik kórsetkishterge qaraǵanda 1,1 paıyzǵa tómen bolyp otyr.