Senat Tóraǵasy BUU Bas hatshysynyń orynbasarymen kezdesti

ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Pagýosh ǵalymdar qozǵalysynyń 62-shi konferentsııasyna qatysý úshin Qazaqstanǵa kelgen BUU Bas hatshysynyń orynbasary, Qarýsyzdaný jónindegi mártebeli ókil Idzýmı Nakamıtsýdy qabyldady. 

Parlament joǵarǵy Palatasynyń basshysy BUU-nyń Qarýsyzdaný jónindegi mártebeli ókil retindegi qarýdy taratpaý sekildi kúrdeli salada onyń tabysty bolýyna tilektestigin bildirdi, dep habarlaıdy Senatyń baspasóz qyzmeti.

 Q.Toqaev beıbitshilik pen turaqtylyqty qoldaýda, qaýipsizdiktiń halyqaralyq júıesin nyǵaıtýda BUU mańyzdy qural ekenin atap ótti. Senat Tóraǵasy Qazaqstan Qarýsyzdaný jónindegi konferentsııanyń qyzmetine zor mańyz beretinin jáne ony qarýsyzdaný, qarýdy taratpaý jáne baqylaý salasyndaǵy kóptarapty birden-bir kelissóz alańy retinde qarastyratynyn aıtty. I.Nakamıtsý ıadrolyq qarýsyzdaný isindegi Qazaqstannyń kóshbasshylyǵyna joǵary baǵa berip, osy taqyryptaǵy pikirsaıysqa ǵalymdardy tartýdyń mańyzdylyǵyn atap ótti. Taraptar ıAdrolyq qarýǵa tyıym salý týraly sharttyń aldaǵy ýaqytta ratıfıkatsııalanýy máselesin talqylady. Qujat ıadrolyq qarýsyzdaný máseleleri jónindegi sońǵy 20 jyldaǵy zańdy túrdegi mindetti qural bolyp tabylady jáne bıylǵy 20 qyrkúıekte qol qoıýǵa ashylady.