Senat TMD aıasynda avtorlyq quqyqty saqtaý yntymaqtastyǵyna qatysty qujatty maquldady
«Bul Zań aqparattyq-kommýnıkatsııalyq jelilerde, onyń ishinde ınternette avtorlyq quqyq pen sabaqtas quqyqtar obektilerine quqyqtardyń buzylýyna qarsy is-qımyl tetikterin qurý jónindegi is-sharalardy ázirlep, iske asyrýǵa baǵyttalǵan. Kelisimge 2021 jylǵy 12 qarashada TMD Úkimet basshylarynyń otyrysynda TMD-nyń segiz memleketi qol qoıdy. Qazirgi kezde memleketishilik rásimderdi Armenııa, Belarýs, Qyrǵyz, Ózbekstan Respýblıkalary jáne Reseı ótkizdi», - dedi senator Amangeldi Tolamısov.
Memleketimizdiń zańnamasyn basshylyqqa ala otyryp, kelisimdi iske asyrýdy qamtamasyz etý barysynda: zańnamany jetildirý; qatysýshy memleketterdiń ýákiletti organdarymen yntymaqtasty tereńdetý jáne aqparat almasý; atalǵan saladaǵy zańsyzdyqtardyń aldyn alý jáne jolyn kesý jónindegi is-sharalardy ázirleý; osy taqyryp boıynsha semınar, konferentsııa jáne birlesken ǵylymı zertteýler ótkizý baǵyttary boıynsha yntymaqtastyqty damytady.
«Qazirgi kezde avtorlyq quqyqty, sonyń ishinde ınternette avtorlyq quqyq pen sabaqtas quqyqtardy qorǵaý tetikterin damytý tek dúnıejúzi elderiniń ulttyq zańnamasynyń ǵana emes, halyqaralyq quqyqtyń da mindeti. Sondyqtan qazir barlyq elderde bul máseleni retteýdiń ońtaıly nusqalaryn qalyptastyrý baǵytynda belsendi jumystar qamtylǵan. Kelisimdi júzege asyrý tikeleı ınternette avtorlyq quqyqty qorǵaý boıynsha tájirıbe men aqparat almasýdan turady. Sonymen qosa, osy kelisimdi júzege asyrý aıasynda ýákiletti organdar retinde Ádilet mınıstrligi, Tsıfrlyq damý, ınnovatsııalar jáne aeroǵarysh ónerkásibi mınıstrligi, Іshki ister mınıstrligi, Joǵarǵy Sot (árqaısysy óz baǵyty boıynsha) bolady. Sonyń aıasynda tıisti is-sharalardy kúsheıtý eskerilgen», - dedi depýtat.
Onyń sózine qaraǵanda, Zııatkerlik menshik quqyqtaryn qorǵaý máselelerin úılestirý jónindegi memleketaralyq keńes qurylyp jatyr.