Senat spıkeri: Jasandy zeıindi teris pıǵylda paıdalaný dinı qaqtyǵystarǵa ákelýi múmkin

<p>ASTANA. KAZINFORM &ndash; Astanada ótip jatqan Álemdik jáne dástúrli dinder kóshbasshylary sezi hatshylyǵynyń HHІІ otyrysynda Senat tóraǵasy Máýlen Áshimbaev jasandy zeıinniń rýhanı dıalogqa áseri týraly pikir bildirdi.</p>

«Adamzat aldynda turǵan jáne kóptegen pikirtalas týdyryp otyrǵan taǵy bir ózekti másele – neırondyq jeliler men jasandy ıntellekttiń qarqyndy damýy. Búgingi tańda tsıfrlyq tehnologııalar progreske keń múmkindikter ashyp jatyr. Biraq, sonymen birge, jańa qaterlerdi týyndatýy múmkin», - dedi Senat tóraǵasy.

Máýlen Áshimbaev jasandy zeıin jalǵan aqparat taratýdyń quraly bolmaýy kerektigin atap ótti.

«Sarapshylardyń pikirinshe, aqparat salasyndaǵy basty qaýipterdiń biri teris pıǵyldy jalǵan aqparat pen feıktiń keń taralýy bolyp tur. Jasandy ıntellekt resýrstary osyndaı maqsattarǵa tartylýy múmkin. Bul etnıkalyq, dinı jáne áleýmettik toptar arasyndaǵy túrli qaqtyǵystarǵa ákelýi múmkin», - dedi ol.