Senat Sıngapýrmen aradaǵy alys-beristiń baj salyǵyn jeńildetetin zańdy maquldady

<p>ASTANA. KAZINFORM &ndash; Senat otyrysynda Eýrazııalyq ekonomıkalyq odaq pen Sıngapýr Respýblıkasy arasyndaǵy erkin saýda týraly kelisimdi ratıfıkatsııalaýǵa arnalǵan zańdy maquldady.</p>

Senator Shákárim Buqtuǵutov bul zań Qazaqstanǵa shıki munaıdy Sıngapýrǵa bajsyz eksporttaýǵa múmkindik beretinin aıtty.

- Qazaqstan men Sıngapýr arasyndaǵy taýar aınalymy 2023 jyly 1,8 mlrd dollar boldy. Onyń ishinde Qazaqstannyń eksporty 1,7 mlrd bolsa, Sıngapýrdan tartylǵan ımport - 81 mln dollar. Qazaqstan Sıngapýrdan ushý apparattaryn, medıtsınalyq jabdyqtar men elektronıka buıymdaryn, dárilik zattardy ımporttaıdy. Al eksporttyń 99,9%-y shıki munaı. Sıngapýrdyń sońǵy 11 jylda Qazaqstanǵa salǵan tikeleı ınvestıtsııalarynyń jalpy kólemi 1,7 mlrd dollardan asty. Kelisim kúshine engen sátten bastap Sıngapýr taýarlaryn ákelý kezinde qoldanystaǵy barlyq tarıfterdi joıady jáne saýdanyń tarıftik, tarıftik emes shekteýlerin qoldanbaýǵa mindettenedi, - dedi depýtat.

Kelisim boıynsha, EAEO Sıngapýrdan keletin taýardyń 88%-yna bajsyz rejım usynady.

- Al Sıngapýr kelisim kúshine engen sátten bastap Qazaqstan men EAEO elderinen ákelinetin barlyq taýarlarǵa kedendik ákelý bajdaryn alyp tastaıdy, - dedi Shákárim Buqtuǵutov.

Osyǵan deıin Senat Iranmen saýdany jańa deńgeıge shyǵarýǵa arnalǵan zańdy maquldady.