Senat shahterlerge arnalǵan tólem men qoǵamdyq birlestikterge qatysty zańdy maquldady

<p>Búgin Senattyń jalpy otyrysynda &laquo;Qazaqstan Respýblıkasynyń keıbir zańnamalyq aktilerine qoǵamdyq birlestikter jáne eńbek jaǵdaılary zııandy jumystarda isteıtin adamdardy áleýmettik qorǵaý máseleleri boıynsha ózgerister men tolyqtyrýlar engizý týraly&raquo; Zańy maquldandy, dep habarlaıdy <a href="Kazinform" target="_blank" rel="noopener">Kazinform</a>.</p>

Zańdy qabyldaýdaǵy negizgi maqsat - azamattardyń qorǵamdyq birlestikter qurý rásimderin jeńildetý jáne eńbek jaǵdaılary zııandy jumystarda isteıtin adamdardy áleýmettik qorǵaýdy jetildirý.

«Atap aıtqanda, qoldanystaǵy «Qoǵamdyq birlestikter týraly» Zańǵa azamattarymyzdyń qoǵamdyq qatynastarda quqyǵyn odan ári keńeıtip, azamattyq qoǵam qurýda jańa múmkindikter beretin normalar engizilip otyr. ıAǵnı qoǵamdyq birlestikterdi qurýǵa qajet adamdardyń sanyn 10 adamnan 3 adamǵa deıin azaıtý eskerilgen.

Sonymen qatar, Áleýmettik jáne Eńbek kodeksterine eńbek jaǵdaılary zııandy jumystarmen aınalysatyn adamdarǵa arnaıy áleýmettik tólem engizý boıynsha túzetýler jasaldy. Bul tólemdi eńbek jaǵdaılary zııandy jumystarda isteıtin azamattar 55 jasqa tolǵanda, sondaı-aq keminde 84 aı mindetti kásiptik zeınetaqy jarnalary tólengen bolsa, jumysynan ketkende nemese basqa jeńil qyzmetke aýysqan kezde alady», - dedi senator Ásem Rahmetova.

Tólemder mynalardan turady:
- bıýdjetten 2 eń tómengi kúnkóris deńgeıi mólsherinde arnaýly kásiptik memlekettik járdemaqy;
- jumys berýshiniń qarajaty esebinen 1 eń tómengi kúnkóris deńgeıi mólsherinde kásibı tólem;
- saqtandyrý uıymdarynan zeınetaqy aldyndaǵy annýıtet sharty boıynsha 1 eń tómengi kúnkóris deńgeıi mólsherinde saqtandyrý tólemi;
- biryńǵaı jınaqtaýshy zeınetaqy qorynan mindetti kásiptik zeınetaqy jarnalary esebinen qalyptastyrylǵan zeınetaqy tólemi.

«Sonymen qatar, bul azamattardyń 55 jáne 63 jas aralyǵynda mindetti zeınetaqy jarnalary esebinen zeınetaqy jınaqtaryn alý ýaqytyn óz betinshe aıqyndaý quqyǵy qaraldy. Arnaıy áleýmettik tólem zeınetkerlik jasqa tolǵanǵa deıin iske asyrylady. Budan basqa, qyzmettik mindetterin oryndaý kezinde jazataıym oqıǵalardan mindetti saqtandyrý júıesin jetildirý jónindegi normalar usynyldy. Olarda mynalar kózdelgen: saqtandyrý uıymdarynyń saqtandyrý syılyqaqysy somasynyń 6 paıyzyna deıin sheginde ońaltý sharalaryna arnalǵan shyǵystardy óteýi, saqtandyrý uıymdarynyń zardap shekken qyzmetkerdi sanatorıı-kýrorttyq emdeýdi 100 AEK-ke deıingi mólsherde óteýi, sondaı-aq jazataıym oqıǵa nátıjesinde keltirilgen zııandy óteý (saqtandyrý tólemi) mólsherin aıqyndaý kezinde qyzmetkerdiń kinásin eskermeý. Munymen qosa, Úkimettiń quzyretine aılyq jalaqynyń eń tómengi mólsherin aıqyndaýda ádistemeni bekitý jónindegi fýnktsııany engizý jáne memlekettik eńbek ınspektorlarynyń ókilettikterin kúsheıtý jónindegi túzetýler engizildi. Osylaısha, qabyldanǵan sharalar jumyskerlerdi zııandy óndiristik faktorlardyń áserinen bosatýdy yntalandyrýǵa baǵyttalǵan jáne memleket, jumys berýshi, ómirdi saqtandyrý kompanııasy, biryńǵaı zeınetaqy jınaqtaýshy qory arasyndaǵy ortaq jaýapkershilikti teńdeı bólýdi eskeredi», - dedi senator.