«Senat sektanttardyń jolyn kesetin zań jobasyn maquldady» - respýblıkalyq basylymdarǵa sholý

TANA. 30 qyrkúıek. QazAqparat - Qazaq aqparat agenttigi respýblıkalyq basylymdarda 30 qyrkúıek, juma kúni shyqqan ózekti materıaldarǵa sholýdy usynady.

***

Oblystardyń Astanadaǵy kúnderi el óńirleriniń táýelsizdik toıy qarsańyndaǵy ózindik esebine aınaldy. Qostanaı, Qyzylorda, Ońtústik Qazaqstan oblystarynda memleketimizdiń mereıli merekesine laıyqty daıyndyq jasalyp jatqandyǵy kelisti kórindi. Keshe Beıbitshilik jáne kelisim saraıynda Prezıdent Qos­tanaı, Qyzylorda jáne Ońtústik Qazaqstan oblystary jetistikteriniń kórmesimen tanysty. Osyǵan oraı «Egemen Qazaqstan» gazetinde «Eldi eńselendirgen órshil óńirler tabystary» degen taqyryppen kólemdi maqala basyldy. Basylymnyń atap ótýinshe, tusaýkeser aıaqtalǵannan keıin Memleket basshysy Nursultan Nazarbaev Beıbitshilik jáne kelisim sa­raıynda Ońtústik Qazaqstan, Qostanaı jáne Qyzylorda oblystary óner sheber­leri­niń gala-kontsertin tamashalady.

***

Osydan birer kún buryn Parlament Senaty «Dinı qyzmet jáne dinı birlestikter týraly» Zańdy qabyldady. Din isteri agenttiginiń tóraǵasy Qaırat Lama Sháriptiń arqasynan úlken júk túskendeı boldy. Zańnyń talqylanýy barysynda tóraǵaǵa ne aıtylmady deısiz? Ózi aıtpaqshy, «otstavkaǵa da ketirdi». Biraq eń bastysy - zań qaptaǵan dinı birlestikterdiń qyzmetin rettep, sanyn azaıtpaq. Osy másele tóńiregindegi túıtkilderdi «Alash aınasy» gazetindegi «Senat sektanttardyń jolyn kesetin zań jobasyn maquldady» atty saraptamadan oqyp-bile alasyzdar.

Kóne túrkiniń tylsym sazyn qazirgi zaman mýzykasymen úndestirip, túrlendire oryndap júrgen «Turan» etno-folklorlyq ansambli qurylǵanyna azǵana ýaqyt ótse de dúıim jurtty tánti etip keledi. Talantty toptyń alǵashqy kompozıtsııalyq jınaǵy byltyr «Turan» degen atpen jaryqqa shyqqan bolatyn. Bul joly tusaýy kesilgen kúıtabaqqa «Er-Turan» degen erekshe ataý berilgen. Jańa jınaqqa top músheleriniń oryndaýyndaǵy eski saryndy qaıta túletip, jańasha qyrynan jańǵyrtqan birqatar mýzykalyq týyndylar engizilgen. Kezekti tabystarymen bólisip, ónersúıer qaýymdy úlken zalǵa jınaǵan «Turan» toby tusaýkeser rásimin qatyp qalǵan qaǵıdalarǵa súıene bermeı, bitimi bólek, aıryqsha kontsert berdi. Bul jóninde «Alash aınasy» gazetindegi «Turan» taǵy da tańǵaldyrdy» atty maqalada keńirek baıandalǵan.

***

Qandaı damyǵan el bolmasyn, álemniń alańdaýshylyǵyn týǵyzyp otyrǵan aýrý túrlerin jalǵyz ózi jeńe almaıdy. Sebebi juqpaly dert ataýly shegendegen shekarańyzǵa qaramaıdy, aý men sý arqyly tarap kete beredi. Olaı bolsa, tizgindeýge kúsh bermeı turǵan aýrý túrlerimen álem bolyp kúresken jón. «Aıqyn» gazetiniń jazýynsha, dál osy máselelerde keshe Astanada bastalǵan Qazaqstannyń Islam yntymaqtastyǵy uıymyna tóraǵalyǵy aıasynda Densaýlyq saqtaý mınıstrleriniń Úshinshi Islam konferentsııasyna qatysýshylar ortaq oıǵa bekigen. Maqala «Álem bolyp kúresken jón» degen taqyryppen berilgen.

***

«Kazahstanskaıa pravda» gazetiniń jazýynsha, keshe Syrtqy ister mınıstrliginde QR Parlamenti Senatynyń Halyqaralyq qatynastar, qorǵanys jáne qaýipsizdik jónindegi komıtetiniń kóshpeli otyrysy ótti. Onda syrtqy vedomstvo basshysy Erjan Qazyhanov eldiń syrtqy saıasatynyń negizgi baǵyttarynyń iske asyrylýy barysy týraly baıandama jasady. Onyń aıtýynsha, Qazaqstan 138 memleketpen dıplomatııalyq qarym-qatynas ornatyp, 73 elde óz ókildigin ashqan. Sonymen qatar respýblıkada 107 sheteldik memleketter men óńirlik jáne halyqaralyq uıymdardyń ókilderi tirkelgen.