Senat saılaýyna 72 kandıdat usynyldy

ASTANA. QazAqparat - Aǵymdaǵy jyldyń 1 qazanynda ótetin QR Parlamenti Senatynyń depýtattaryn saılaýǵa 72 kandıdat usynyldy. Bul týraly búgin QR Ortalyq saılaý komıssııasynyń otyrysynda málim boldy.

«Ortalyq saılaý komıssııasynyń málimetterine sáıkes, 4 tamyzdaǵy jaǵdaı boıynsha Qazaqstan Respýblıkasy Parlamenti Senatynyń depýtattyǵyna 72 kandıdat usynyldy. Olardyń barlyǵy ózin-ózi usyný quqyǵyn paıdalandy. Usynylǵandardyń ishinde 4-eýi áıel azamatshalary», - deıdi OSK tóraǵasy Qýandyq Turǵanqulov.

Onyń aıtýynsha, saılaý naýqanynyń kúntizbelik josparyna sáıkes, kandıdattardy usyný 31 tamyzǵa deıin jalǵasady. Senator retinde kandıdattardy usyný máslıhattar sessııalarynda, sondaı-aq ózin-ózi usyný tártibimen júzege asyrylady. Budan bólek, saıası partııalar men qoǵamdyq birlestikter máslıhattardaǵy ókilderi arqyly óz kandıdattaryn usyný múmkindigi de bar.

Al kandıdattardy tirkeý oblystyq, Astana jáne Almaty qalalyq saılaý komıssııalarynda 11 qyrkúıekke deıin júzege asady.