Senat saılaýy zańnama normalaryna saı ótti - Berik Imashev

NUR-SULTAN. QazAparat – QR Parlamenti Senatynyń depýtattaryn saılaýdyń rásimderi zańnama normalaryna saı ótti. Bul týraly QR Ortalyq saılaý komıssııasynyń tóraǵasy Berik Imashev aıtty, dep habarlaıdy QazAqparat tilshisi.

«Saılaý týraly» Konstıtýtsııalyq Zańynyń buzylýy týraly aýmaqtyq saılaý komıssııalarynan usynystary nemese tańdaýshylardyń aryzdary kelip túsken joq. Daýys berý men basqa da saılaý rásimderi saılaý zańnamasynyń normalaryna saı ótti», - dedi B. Imashev QR Ortalyq saılaý komıssııasynyń otyrysynda.

Bul saılaý naýqanynyń ereksheligine toqtalǵan ol, áıelderdiń saıası belsendiligi artyp kele jatqanyn atap ótti. ıAǵnı, saılanǵan 17 depýtattyń 5-i áıelder, bul kórsetkish 29,4 paıyzdy qurady. 2014 jáne 2017 jyldardaǵy saılaýda bul kórsetkish tek 6 paıyz bolǵan.

OSK tóraǵasynyń aıtýynsha, saılaý kúni Ortsaılaýkomnyń ınternet-resýrsy arqyly tańdaýshylardy tirkeýdi jáne daýys berýdiń aldyn ala qorytyndylaryn shyǵarýdy onlaın baıqaý servısteri jumys istedi. Osylaısha, saılaý protsesiniń ashyqtyǵy men jarııalylyǵy qamtamasyz etildi. Bul protsess QR OSK aqparattyq arnalary arqyly jedel túrde jarııa etildi.

Daýys berý rásimin jáne saılaý qorytyndylaryn shyǵarýdy 242 jergilikti jáne 5 halyqaralyq baıqaýshy baıqap otyrdy. Saılaý óńirlerdegi sanıtarlyq-epıdemıologııalyq jaǵdaıdy eskere otyryp, saılaý protsesiniń sanıtarlyq qaýipsizdigin qamtamasyz etý jónindegi barlyq qajetti sharalardy saqtaı otyryp ótkizildi.

Budan buryn habarlanǵandaı, QR Ortalyq saılaý komıssııasynyń otyrysynda QR Parlamenti Senatynyń depýtattaryn saılaýdyń qorytyndysy jarııalandy.