Senat saılaýy týraly aqparattar jalpy halyqqa qalaı jetkiziletini týraly málim boldy

ASTANA. QazAqparat - QR Ortalyq saılaý komıssııasynyń múshesi Lázzat Súleımen 1 qazanda ótetin QR Parlamenti Senatynyń depýtattaryn saılaý naýqany týrlaly jalpy halyqqa qalaı jetkiziletini týraly egjeı-tegjeıli aıtyp berdi.

«Árıne, bul saılaý tóte saılaý emes, tańdaýshylar arqyly saılanatyn janama saılaý bolyp tabylady. Sondyqtan bul saılaýǵa halyq ókilderi retinde elimizdegi 3335 máslıhat depýtattary qatysady. Al Ortalyq saılaý komıssııasy saılaý barysyn jalpy áleýmetke jetkizip otyrý úshin birqatar sharalardy iske asyratyn bolady», - dep atap ótti ol búgin Ortalyq kommýnıkatsııalar qyzmetinde ótken brıfıng barysynda.

Onyń aıtýynsha, saılaý kúnine deıin jergilikti buqaralyq aqparat quraldarynda úmitkerler týraly aqparattar berilip, árdaıym baspasóz konferentsııalary uıymdastyrylyp otyratyn bolady. Sondaı-aq, baspasóz ortalyǵy jumys jasaıdy, Ortalyq saılaý komıssııasynyń saıty da jergilikti saılaý týraly barlyq aqparattarmen tolyqtyrylyp otyrady.

«Sonymen qatar, saılaýdyń erekshelikterin túsindirý úshin beıne-, aýdıorolıkter túsirilip, halyqtyń nazaryna usynylatyn bolady. Sondyqtan saılaý týraly aqparat jalpy halyqqa tolyqqandy jetkizilip otyrady degen oıdamyz», - dedi ol.