Senat saılaýy: Bas sanıtar dáriger maska rejımin saqtaýǵa shaqyrdy

ASTANA. QazAqparat – Elimizdiń bas sanıtar dárigeri – Densaýlyq saqtaý vıtse-mınıstri Aıjan Esmaǵambetova adam kóp jınalatyn oryndarda maska taǵýdy usyndy, dep habarlaıdy QazAqparat tilshisi.

14 qańtarda ótetin Senat depýtattaryn saılaý naýqany qarsańynda bas sanıtar dáriger koronavırýs ınfektsııasy, tumaý jáne JRVI taralýynyń aldyn alý sharalaryn eske saldy.

«Elimizde epıdemıologııalyq jaǵdaı turaqty. Táýligine PTR-diń oń nátıjesi bar 200-ge deıin COVID-19 jaǵdaıy jáne teris nátıjesi bar 10 jaǵdaıǵa deıin tirkeledi. Epıdemıologııalyq jaǵdaıdy baǵalaý matrıtsasyna sáıkes barlyq óńir jasyl aımaqta», - dedi A. Esmaǵambetova Ortalyq saılaý komıssııasynyń otyrysynda.

Onyń aıtýynsha, indettiń taralýynyń bir aptadaǵy kórsetkishi tómendegen. ıAǵnı aldyńǵy aptamen salystyrǵanda 4% nemese 1135-ten 1089 jaǵdaıǵa deıin azaıǵan.

Sonymen qatar 16 óńirde (Almaty qalasy, Aqmola, Aqtóbe, Atyraý, Shyǵys Qazaqstan, Abaı, Jambyl, Batys Qazaqstan, Qaraǵandy, Ulytaý, Qostanaı, Qyzylorda, Mańǵystaý, Pavlodar, Soltústik Qazaqstan, Túrkistan oblystary) R kórsetkishi birlikten joǵary.

Osy oraıda bas sanıtar dáriger halyq kóp jınalatyn oryndarda maska taǵýdy usyndy.

«Saılaý ótetin ǵımarattardy jeldetip, maska rejımin saqtaǵan jón», - deıdi ol.