Senat Salyq kodeksin Májiliske qaıtardy

<p>Senat Salyq kodeksine túzetýler engizip, Májiliske qaıtardy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Aıta keterligi, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine sonymen birge, «Salyq jáne bıýdjetke tólenetin basqa da mindetti tólemder týraly» Kodeksin qoldanysqa engizý týraly» zańyna ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zańdary Senat otyrysynda qaralyp, birinshi oqylymda maquldanǵan edi.

«Negizgi zańdy talqylaý barysynda Májilis qabyldaǵan zańǵa ózgerister men tolyqtyrýlar engizý qajettiligi týyndady. Atap aıtqanda olar: memlekettik baǵaly qaǵazdar naryǵyn damytýdy yntalandyrý maqsatynda memlekettik emıssııalyq baǵaly qaǵazdardy ótkizýden túsetin qunnyń syıaqysymen jáne ósimimen baılanysty kiristerge qatysty salyq salynatyn kiristiń azaıýyn boldyrmaý jónindegi normalardy 2030 jylǵy 1 qańtarǵa deıin keıinge qaldyrý; Qazaqstan Respýblıkasynyń Ulttyq banki shyǵarǵan memlekettik emıssııalyq baǵaly qaǵazdar boıynsha ekinshi deńgeıdegi bankter alǵan kiristerge qatysty salyq salynatyn kiristiń azaıýyn boldyrmaý jónindegi normalardy 2024 jylǵy 1 naýryzdan bastap qoldanysqa engizý jáne Salyq kodeksiniń 3-baby 2-tarmaǵynyń toqtatyla turǵan ýaqytsha normasynyń qoldanylý merzimin 2023 jylǵy 1 jeltoqsannan 2024 jylǵy 1naýryzǵa ózgertý usynylady», - dedi zań jobasy týraly baıandama jasaǵan senator Bekbolat Orynbekov.

Osydan keıin senatorlar «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksi men «Salyq jáne bıýdjetke tólenetin basqa da mindetti tólemder týraly» Kodeksin qoldanysqa engizý týraly» zańyna ózgerister men tolyqtyrýlar engizý týraly» Qazaqstan Respýblıkasy zańynyń jekelegen baptaryn maquldap, joǵaryda atalǵan baptardyń jańa redaktsııasyn Májiliske qaıtardy.

Budan basqa, «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zańdy maquldady.