Senat Otbasy bankine qatysty zańdy Májiliske qaıtardy

<p>ASTANA. KAZINFORM &ndash; Búgin Senattyń jalpy otyrysynda &laquo;Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly&raquo; Zańy eki oqylymda qaraldy. Senat zańnyń jekelegen baptaryn jańa redaktsııada usynyp, ony Májiliske qaıtardy. Osy qujatta &laquo;Otbasy banki&raquo; AQ-ny ulttyq damý ınstıtýty etip qaıta qurý normasy saqtaldy.</p>

Parlament Senatynda Zańdy qaraý barysynda menshik ıesi turǵyn úıdi kommýnaldyq turǵyn úı qorynan alǵan kezde kommýnaldyq menshikke berilýi tıis apatty dep tanylǵan jalǵyz baspanany berý jónindegi normany naqtylaý bóliginde túzetýler engizildi.

Budan basqa:

• turǵyn úı jaǵdaılaryn jaqsartýǵa baǵyttalǵan memlekettik qoldaý sharalaryn alý kezinde basym quqyqty alyp tastaý;
• respýblıkalyq mańyzy bar qalalardyń, aýdandardyń, oblystyq mańyzy bar qalalardyń ákimdikterimen uqsas elorda ákimdigine jergilikti bıýdjet qarajatynan (bar bolǵan kezde) syrtqy qabyrǵalardy rekonstrýktsııalaý, aǵymdaǵy nemese kúrdeli jóndeý jónindegi quzyretti bekitý;
• qoldanystaǵy Zań aıasynda memlekettik turǵyn úı qorynan turǵyn úıge muqtaj dep tanylǵan azamattar úshin ótpeli jaǵdaıdy kózdeıtin Zańnyń 2-baby boıynsha túzetýler belgilendi.

Atap aıtqanda zańnyń maqsaty - turǵyn úı qatynastary salasyndaǵy zańnamany odan ári jetildirý. Qujat turǵyn úı jaǵdaılaryn jaqsartýǵa baǵyttalǵan memlekettik qoldaýdyń mynadaı sharalaryn belgileıdi: muqtajdarǵa kommýnaldyq turǵyn úı qorynan turǵynjaıdy nemese jeke turǵyn úı qorynan jergilikti atqarýshy organ jalǵa alǵan turǵynjaıdy berý, turǵyn úı qurylysy jınaqtary júıesi arqyly jeńildikti ıpotekalyq turǵyn úı qaryzdaryn berý, turǵyn úı sertıfıkattaryn berý.

Zań aıasynda buryn tapsyrylǵan satyp alý quqyǵynsyz jalǵa beriletin turǵynjaıdy qosa alǵanda, jalǵa beriletin turǵyn úıdi jekeshelendirý quqyǵy qarastyrylady.

Senattyń Ekonomıkalyq saıasat, ınnovatsııalyq damý jáne kásipkerlik komıtetiniń málimetinshe, Zań boıynsha «Otbasy banki» AQ-ny ulttyq damý ınstıtýty etip qaıta qurý eskerilgen. Bul rette «Otbasy banki» AQ-ǵa jergilikti atqarýshy organdardyń muqtajdar úshin turǵynjaıdy esepke alýdy ári qoıýdy jáne bólýdi júzege asyrý jónindegi fýnktsııalary beriledi. Sondaı-aq «Otbasy banki» AQ-ǵa turǵyn úıge muqtajdar týraly málimetterdi qamtıtyn, basqa da memlekettik derekqorlarmen ıntegratsııalanǵan «Turǵyn úımen qamtamasyz etý ortalyǵy» elektrondyq bazasyn qalyptastyrý, júrgizý, monıtorıngteý jónindegi fýnktsııalar bekitiledi.

Zańda Ónerkásip jáne qurylys mınıstrliginiń mynadaı:

• Qazaqstan Respýblıkasynyń turǵynjaıǵa muqtaj azamattaryn, qandastardy «Turǵyn úımen qamtamasyz etý ortalyǵy» elektrondyq bazasyna esepke qoıý; 
• turǵyn úı jaǵdaılaryn jaqsartýǵa baǵyttalǵan memlekettik qoldaý sharalaryn iske asyrý; 
• turǵynjaıǵa muqtaj adamdardy esepke qoıý jáne memlekettik mekemeler men memlekettik kásiporyndardyń turǵyn úı qorynan turǵynjaı berý jónindegi qaǵıdalardy; 
• jeke turǵyn úı qorynan jalǵa alynǵan turǵynjaı úshin aqysynyń bir bóligin sýbsıdııalaý tártibin (bıýdjettik josparlaý jónindegi ortalyq ýákiletti organmen kelisý boıynsha) ázirleý jáne bekitý jónindegi quzyretin keńeıtý eskerilgen.

Sonymen qatar, halyqtyń áleýmettik osal toptary sýbektileriniń múddelerin qorǵaý maqsatynda Zańda tıisti bap engizildi. Oǵan sáıkes halyqtyń áleýmettik osal toptary turǵyn úı alý quqyǵyn jáne óz kezegin saqtaıtyn bap naqtylandy.

Oǵan sáıkes mynalar:

• jetim balalar, ata-analarynyń qamqorlyǵynsyz qalǵan balalar kámeletke tolǵannan keıin; 
• múgedektigi bar balalary bar nemese olardy tárbıelep otyrǵan otbasylar balalary kámeletke tolǵannan keıin; 
• «Altyn alqamen», «Kúmis alqamen» nagradtalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen nagradtalǵan kópbalaly analar, kópbalaly otbasylar balalary kámeletke tolǵannan keıin; 
• tolyq emes otbasylar balalary kámeletke tolǵannan keıin; 
• QR Úkimeti aıqyndaǵan óńirlerge turaqty turýǵa kelgen, Qazaqstan azamattyǵyn alǵan qandastar; 
• jesir áıelder balalary kámeletke tolǵannan keıin turǵynjaıǵa muqtajdar esebinen shyǵarylýǵa jatpaıdy.

Munymen qosa, baspanaǵa muqtajdardyń kezektiligin júrgizý tetigi jetildiriledi. Máselen, memlekettik qoldaý sharalary kiris deńgeıine jáne turǵynjaıǵa muqtajdar esebine qoıylǵan kúnine qaraı iske asyrylady.

«Jergilikti atqarýshy organdar baspanaǵa muqtajdar esebinde turǵan Qazaqstan azamattary, qandastar týraly málimetterdi turǵyn úı qurylys jınaq bankine berýge mindetti ekenin eskere otyryp, Zańnyń jekelegen normalary ol alǵash resmı jarııalanǵan kúnnen keıin alty aı ótken soń qoldanysqa engiziledi», - delingen Senat komıteti aqparatynda.

Buǵan deıin Otbasy bank ulttyq damý ınstıtýty bolyp qaıta qurylatynyn jazǵan edik.