Senat Ortalyq Azııa óńirlik ınstıtýtyna qatysty zańdy maquldady
Zańda 2016 jylǵy 26 qazanda Islamabad qalasynda jasalǵan Ortalyq Azııa óńirlik ekonomıkalyq yntymaqtastyǵy ınstıtýtyn tolyq quqyqtyq sýbektiligi bar úkimetaralyq uıym retinde qurý týraly kelisimdi ratıfıkatsııalaý eskerilgen.
Senattyń Ekonomıkalyq saıasat, ınnovatsııalyq damý jáne kásipkerlik komıtetiniń málimetinshe, kelisim óńirlik yntymaqtastyq protsesterine qatysý úshin múshe elder úkimetteri resmı tulǵalarynyń múmkindikterin keńeıtýge, óńirlik yntymaqtastyq jobalaryn josparlaý ári iske asyrý bóliginde olardyń múmkindikterin keńeıtýge baǵyttalǵan.
Sonymen qatar, qujatta birlesken nemese ujymdyq jobalardy iske asyrý jáne ǵylymı zertteýlerdiń derekteri men nátıjelerin keńinen taratý arqyly OAÓEY-da, sondaı-aq múshe elder arasynda ǵylymı zertteýlerdiń tıimdiligin qamtamasyz etý eskerilgen.
Ortalyq Azııa óńirlik ekonomıkalyq yntymaqtastyǵy ınstıtýtynyń jumys isteýi aıasynda yntymaqtastyq protsesterin iske asyrý maqsatynda tájirıbe almasýǵa arnalǵan ınnovatsııalyq sheshimder usynylady.
Ony basqarý qurylymy Basqarýshy keńesten, Konsýltatıvtik keńesten, basshylyqtan jáne personaldan turady. Instıtýt qaryzǵa qarajat almaıdy. Onyń bas keńsesi Qytaı Halyq Respýblıkasynda ornalasady jáne Basqarýshy keńes maquldaǵan kezde, kez kelgen múshe elderde fılıaldar qurýǵa bolady.
Uıymnyń bas keńsesin Qytaı Halyq Respýblıkasynda ornalastyrý týraly sheshimdi qatysýshy elder daýys berý tásilimen shyǵarǵan bolatyn. Oǵan basty sebep – QHR keńseni óteýsiz negizde berip, onyń jumysyna qarjylaı úles qosty.
Atalǵan Kelisim ratıfıkatsııalanǵannan keıin, Qazaqstan Instıtýttyń tolyqqandy múshesi bolady.
Budan buryn habarlanǵandaı, qazirgi kezde Instıtýtta 35 qyzmetker jumys istep jatyr. Instıtýtqa jumysqa turý uıym saıtynda jarııalanatyn konkýrs arqyly iske asyrylady.
Instıtýttyń negizgi qyzmeti – zertteýler júrgizý, semınarlar, forýmdar jáne trenıngter men konferentsııalar ótkizý, sonymen qatar ınnovatsııalyq sheshimderdi usynyp, zertteý nátıjeleri men qorytyndylardy taratý, Ortalyq Azııa óńirinde ǵylymı-zertteý ınstıtýttary jelisin damytý