Senat «Ónerkásiptik saıasat týraly» zańdy qabyldady

NUR-SULTAN. QazAqparat – Búgin Senattyń jalpy otyrysynda «Ónerkásiptik saıasat týraly» jáne «QR keıbir zańnamalyq aktilerine ónerkásiptik saıasat máseleleri boıynsha ózgerister men tolyqtyrýlar engizý týraly» zań jobalary qabyldandy, dep habarlaıdy QazAqparat tilshisi.

«Memleket basshysy jaqynda ótken «Altyn sapa» jáne «Paryz» syılyqtary laýreattaryn marapattaý rásiminde «Ónerkásiptik saıasat týraly» zań qabyldaýdyń asa mańyzdy ekenin atap ótti. Osy rette búgin qabyldanǵan zańdar ónerkásiptik ınnovatsııalyq kásiporyndardy otandyq shıkizatpen qamtamasyz etýdi jáne óńdeý ónerkásibin damytý úshin qolaıly jaǵdaı jasaýdy kózdeıdi. Sondaı-aq ónerkásipti memlekettik yntalandyrýdyń júıeli is-sharalary aıqyndalady. Zańdardy qabyldaý otandyq ónerkásipti jańǵyrtýǵa tyń serpin beredi dep senemiz», - dep atap ótti Senat Tóraǵasy Máýlen Áshimbaev.

QR Indýstrııa jáne ınfraqurylymdyq damý mınıstri Beıbit Atamqulovtyń atap ótýinshe, zań jobasynyń negizgi maqsaty – básekege qabiletti, joǵary tehnologııalyq, eksportqa baǵdarlanǵan ónim óndirisin ulǵaıtý jáne damýdyń shıkizattyq modelinen aýysyp, óńdeýshi ónerkásiptiń turaqty damýyn qamtamasyz etý.