Senat maquldaǵan zań jobasy Djo Baıdenniń reıtıngisin kóteredi

VAShINGTON. QazAqparat – AQSh Senatyndaǵy demokrattar jeksenbide klımat, densaýlyq saqtaý jáne salyq salasyndaǵy zańnamany maquldady, bul – prezıdent Djo Baıdenniń jáne onyń aralyq saılaý aldyndaǵy baǵdarlamasynyń iri jeńisi, dep habarlaıdy QazAqparat USA Today-ge silteme jasap.

Senat ınflıatsııany tómendetý týraly zańdy qabyldady. Oǵan taza ekologııalyq energııa salasyndaǵy bastamalardyń rekordtyq shyǵyndary, retsept boıynsha beriletin dári-dármekterdiń baǵasyn tómendetý sharalary jáne iri korporatsııalarǵa tabys salyǵyn tóleý úshin salyqty qaıta qaraý kiredi.

Klımattyń ózgerý máselesin sheshý úshin zań jobasynda elektromobılder, kún panelderi jáne jel týrbınalaryn óndirýge 10 mıllıard dollar salyq jeńildikteri; elektromobılderdi satyp alý kezinde tutynýshylar úshin 7,5 myń dollar salyq jeńildikteri; tabysy az amerıkalyqtar úshin energııany únemdeıtin úıdi jańartýǵa 9 mlrd qarastyrylǵan.

Elektromobıl óndirý zaýyttaryn qoldaý úshin nesıege 20 mıllıard dollarǵa deıin, fermerlerge klımattyń ózgerýimen kúres jumystaryna kómektesý úshin 20 mıllıard dollar jáne qalalar men shtattar úshin kommýnaldyq qyzmetterdi ekologııalyq taza elektr energııasyna aýystyrýǵa 30 mıllıard dollar bólý kózdelgen.

Osy jáne basqa da sharalardy tóleý úshin zań jobasynda 15 paıyzdyq eń tómengi korporatıvtik salyq belgilenedi.

Zań jobasy demokratııalyq baqylanatyn Ókilder palatasyna daýys berýge baǵyttalǵan, onda juma kúni qabyldanýy múmkin.

Foto:the-sun.com