Senat komıteti Joǵarǵy Sot sýdıalaryn qyzmetinen bosatý týraly máseleni qarady

ASTANA. 23 jeltoqsan. QazAqparat - Búgin Parlament Senatynda Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti. Onda komıtet músheleri QR Joǵarǵy Sotynyń úsh sýdıasyn qyzmetinen bosatý týraly máseleni talqylady.

Senatorlarǵa QR Joǵarǵy Soty Qadaǵalaý alqasynyń tóraǵasy Aqyltaı Qasymov qyzmetinen bosatý usynylǵan sýdıalar týraly aıtyp berdi. Onyń sózine qaraǵanda, sýdıa laýazymynda 33 jyl qyzmet atqarǵan Anatolıı Lınnık pen sýdıalyq ótili 17 jyl Raýshan Nurtaı zeınet jasyna baılanysty jumystan bosatý týraly ótinish bergen. Budan bólek, Gúlnár Rysbekovaǵa sýdıa qyzmetinen otstavkaǵa ketý týraly quqyǵy usynylyp, bul QR Prezıdenti Ákimshiligimen kelisilgen.

Talqylaýdan soń, senatorlar máseleni aldaǵy ýaqyttaǵy palatanyń jalpy otyrysynda qaraý týraly sheshim shyǵardy.