Senat komıteti ındýstrııalyq-ınnovatsııalyq qyzmetti qoldaý týraly jobany talqylady

ASTANA. 9 jeltoqsan. QazAqparat /Qanat Mámetqazyuly/ -Búgin Parlament Senatynyń Ekonomıkalyq damý jáne kásipkerlik komıtetiniń keńeıtilgen otyrysy bolyp ótti.

Onda depýtattar «Indýstrııalyq-ınnovatsııalyq qyzmetti memlekettik qoldaý týraly» zań jobasyn talqylady.

Atalmysh qujat ulttyq ekonomıkany qarqyndy ındýstrııalyq-ınnnovatsııalyq damytý úshin qolaıly quqyqtyq jáne ekonomıkalyq jaǵdaı jasaıdy. Sonymen qatar, qujat ındýstrııalyq qyzmetti damytýdy yntalandyrý, joǵary tehnologııalyq ǵylymdy qajet etetin ekologııalyq taza jáne básekege qabiletti óndiristi qoldanysqa engizýge yqpal etedi. Bul rette zań jobasynyń maqsaty Qazaqstan Prezıdentiniń aıqyndaǵan negizgi sektorlardy yntalandyrý negizinde ulttyq ekonomıkamyzdyń básekege qabilettiligin arttyrý bolyp tabylady. Soǵan oraı, zań jobasymen ındýstrııalyq qyzmet sýbektileri úshin ındýstrııalyq-ınnovatsııalyq qoldaýdyń memlekettik sharalary bekitiledi.

Buǵan qosa, zań jobasy ındýstrııalyq-ınnovatsııalyq shaǵyn jáne orta bıznesti qalyptastyryp, ındýstrııalyq-ınnovatsııalyq qyzmetti qoldaý qaǵıdattary men mindetterin naqtylaıdy jáne ony memlekettik qoldaý sharalaryn anyqtaıdy.

Zań jobasy Senattyń aldaǵy jalpy otyrysynda talqylanatyn bolady.