Senat qoǵamdyq kelisim men birlikti nyǵaıtý sharalaryn jalǵastyrady - Máýlen Áshimbaev

ASTANA. QazAqparat – Senat tóraǵasy Máýlen Áshimbaev Qazaqstan halqy Assambleıasynyń HHHІІ sessııasynda Memleket basshysy Qasym-Jomart Toqaev atap kórsetken mindetterge toqtalyp ótti, dep habarlaıdy QazAqparat tilshisi.

«Búgin Memleket basshysynyń qatysýymen Qazaqstan halqy Assambleıasynyń HHHІІ sessııasy ótti. Jıynda Prezıdent qoǵamdyq kelisim men jalpyulttyq birlikti qamtamasyz etýge arnalǵan birqatar mindetke toqtaldy.

Senat úshin atalǵan sala – basym baǵyttardyń biri. Qazirgi tańda Qazaqstan halqy Assambleıasynyń ókilderi, ıaǵnı 5 áriptesimiz jáne basqa da senatorlar etnosaralyq yntymaqtastyqty arttyrýǵa belsendi qatysyp júr. Senat aldaǵy ýaqytta da qoǵamdyq kelisim men birlikti odan ári nyǵaıtýdy kózdeıtin sharalardy iske asyrýǵa óz úlesin qosa beredi. Osy jolda bárimiz birlesip nátıjeli eńbek etemiz dep senemin», - dedi Máýlen Áshimbaev Senattyń kezekti otyrysyn asha otyryp.

Aıta keteıik, búgin elordadaǵy Beıbitshilik jáne kelisim saraıynda Memleket basshysynyń qatysýymen Qazaqstan halqy Assambleıasy HHHІІ sessııasy ótti. Aıtýly jıynda Prezıdenttiń sóılegen sóziniń tolyq mátinimen osy silteme arqyly tanysýǵa bolady.