Senat Qyrǵyzstannyń ótkizý beketine qatysty zańdy maquldady

<p>ASTANA. KAZINFORM &ndash; Búgin Senattyń jalpy otyrysynda &laquo;2014 jylǵy 29 mamyrdaǵy EAEO týraly shartqa Qyrǵyzstannyń qosylýyna baılanysty Qyrǵyz Respýblıkasynyń 2014 jylǵy 29 mamyrdaǵy EAEO týraly shartty, EAEO-nyń quqyǵyna kiretin jekelegen halyqaralyq sharttardy jáne EAEO organdarynyń aktilerin qoldanýy jónindegi jaǵdaılar men ótpeli erejeler týraly 2015 jylǵy 8 mamyrda qol qoıylǵan hattamaǵa ózgeris engizý týraly hattamany ratıfıkatsııalaý týraly&raquo; Zańy maquldandy.</p>

«Aıta ketý kerek, Qyrǵyz Respýblıkasy Eýrazııalyq ekonomıkalyq odaqqa qosylýy jónindegi ótpeli erejelerge sáıkes, 2015 jyly 24 aı (12.08.2015 j. bastap 12.08.2017 j. deıin) ishinde, ıaǵnı óz aýmaǵynda ornalasqan barlyq ótkizý pýnktterin jaılastyrý jáne materıaldyq tehnıkalyq jaraqtandyrýdy qamtamasyz etýge mindetteme alǵan. Bul rette, mindettemelerdi tolyq oryndaý maqsatynda, atalmysh Hattamaǵa úsh ret ózgeris engizildi, úsh ret uzartyldy (birinshi hattama 24-ten 48-ge aıǵa, ekinshi hattama 48-den 72-ge,úshinshi hattama 72-den 96 aıǵa uzartyldy). Alaıda ártúrli kúrdeli sebepterge baılanysty Qyrǵyz Respýblıkasy kórsetilgen merzimde mindettemelerdi tolyq oryndaýǵa úlgermedi», - dedi senator Sultanbek Mákejanov.

Sondyqtan 2023 jylǵy 25 mamyrda Máskeý qalasynda Memleket basshylary Joǵary Eýrazııalyq ekonomıkalyq keńestiń otyrysy aıasynda tórtinshi ret «96 aıdan» «108 aıǵa» ózgeris engizý týraly hattamaǵa qol qoıdy. Bul turǵyda Hattama mindetterin 2024 jylǵy 12 tamyzǵa deıin uzartý usynyldy.

«Qazirgi kezde Qyrǵyz Respýblıkasyndaǵy on tórt ótkizý pýnktiniń on úshi tolyǵymen jańǵyrtyldy. Qyrǵyzstan jáne Tájikstan shekarasyndaǵy bir ótkizý beketi - «Qyzyl bel» beketi boıynsha jumystar áli jalǵasyp jatyr. Ol jaqyn arada aıaqtalady, sebebi qazir oǵan barlyq resýrstar jumyldyrylǵan. Qaralyp otyrǵan Kelisimdi ratıfıkatsııalaý Respýblıkalyq bıýdjetten qarjylyq shyǵyndardy talap etpeıdi jáne teris áleýmettik-ekonomıkalyq jáne quqyqtyq saldarlarǵa ákep soqpaıdy», - dedi depýtat.