Senat: Qazaqstandyqtar jańartylatyn energııa kózderinen alynatyn elektr energııasyn sata alady

<p>ASTANA. KAZINFORM &ndash; Senattyń Ekonomıkalyq saıasat, ınnovatsııalyq damý jáne kásipkerlik komıtetiniń depýtattary keńeıtilgen otyrysta jańartylatyn energııa kózderi men elektr energetıkasyn paıdalaný týraly zańdy talqylady.</p>

Zań boıynsha, qýattylyǵy 200 kılovattqa deıingi «jańartylatyn energııa kózderin paıdalanýǵa arnalǵan shaǵyn kólemdi nysan» degen jańa túsinik engiziletin bolady. Zańnyń maqsaty — halyqtyń, shaǵyn jáne orta bıznestiń, sondaı-aq sharýa jáne fermer qojalyqtarynyń jańartylatyn energııa kózderin paıdalanýyn yntalandyrý bolyp tabylady.

«Zańǵa sáıkes, energııamen jabdyqtaýshy uıymdar taza tutynýshylardan elektr energııasyn satyp alý jáne olardy elektr jelisine qosý jónindegi mindettemesi zańnamalyq túrde bekitiledi. Taza tutynýshylar óz kezeginde elektr energııasyn shaǵyn gıdro elektrostantsııalardan 10 MVt-qa deıingi shekti tarıf boıynsha satý quqyǵyna ıe bolady», - delingen habarlamada.

Depýtattar keńeıtilgen otyrystyń qorytyndysy boıynsha zańdy Palatanyń qaraýyna jiberý týraly sheshim qabyldady.