Senat Qazaqstan jáne AQSh Úkimetteri arasyndaǵy áýe qatynasy týraly kelisimdi ratıfıkatsııalady
«Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy Áýe qatynasy týraly kelisimdi ratıfıkatsııalaý týraly» zańdy senatorlar QR Indýstrııa jáne ınfraqurylymdyq damý mınıstri Qaıyrbek Óskenbaev tanystyrdy.
«Joba Qazaqstan Respýblıkasynyń halyqaralyq sharttary týraly QR zańynyń 5-babynyń 2) tarmaǵyna sáıkes ázirlendi. Kelisimniń negizgi maqsaty – Qazaqstan men AQSh arasynda, onyń ishinde «Astana» halyqaralyq qarjy ortalyǵyn ilgeriletý úshin, qarjy ortalyqtarymen tikeleı áýe qatynasyn ashý úshin quqyqtyq baza qurý. Halyqaralyq avıatsııa uıymynyń áýe qatynasyn yryqtandyrý jónindegi suraqtaryna jáne Amerıka tarapynyń usynystaryna sáıkes, kelisim sheńberinde taraptardyń áýe kompanııalarynyń, pýnkter men reıster sany, onyń ishinde jolaýshylar tasymaly úshin áýe erkindigin besinshi deńgeımen shekteýsiz usha alady», -dedi vedomstvo basshysy.
Aıtýynsha, bul – el tarıhynda alǵashqy ashyq aspan.
«ıAǵnı, kez kelgen qazaqstandyq áýe kompanııasy úshinshi elderge elderdiń jolaýshylaryn ákelip jáne jetkizý quqyǵymen Qazaqstannyń kez kelgen qalasyna AQSh-tyń kez kelgen qalasyna reıster boıynsha sheksiz sanmen jolaýshylar tasymalyn, sondaı-aq AQSh pýnkteri men AQSh-tan tys kez kelgen pýnkter arasynda júk tasymalyn oryndaı alady», - dep túsindirdi mınıstr.
Senatorlar atalmysh zańdy qaraı kele, biraýyzdan qabyldady.
«Búgin qaralǵan Kelisim Amerıka Qurama Shtattarymen tikeleı áýe qatynasyn ashýǵa baǵyttalǵan. Bul eki el arasyndaǵy saýda-ekonomıkalyq qatynastardy arttyrýǵa, memleketimizdegi halyqaralyq avıareıster sanyn kóbeıtýge múmkindik beredi», – dedi Senat tóraǵasy Máýlen Áshimbaev.