Senat Qazaqstan men kórshi elder shekaralarynyń túıisý núktesine qatysty qujatty qabyldady

ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasy, Túrikmenstan jáne Ózbekstan Respýblıkasy arasyndaǵy úsh memlekettiń memlekettik shekaralarynyń túıisý núktesiniń aýdany jónindegi shartty ratıfıkatsııalaý týraly» Zań qabyldandy, dep habarlaıdy QazAqparat.

Sharttyń basty maqsaty - úsh memleket shekaralarynyń túıisý núktesiniń ornalasqan jerin aıqyndaý.

«Úsh memleket shekarasynyń túıisý núktesi Ústirt aýmaǵynda ornalasqan. Túıisý núktesiniń ornalasqan jeri jáne shekara syzyǵynyń ótýi - sharttyń ajyramas bóligi. Shart merzimsiz ári denonsatsııalaýǵa jatpaıdy. Qujattyń kúshine enýi úsh memleket shekaralaryn delımıtatsııalaý protsesiniń aıaqtalýyna, aýmaqtyq daýlardyń týyndaýynyń aldyn alýǵa, elimizdiń ulttyq qaýipsizdigin nyǵaıtýǵa yqpal etedi», - deıdi QR Syrtqy ister mınıstri Qaırat Ábdirahmanov.

Osy oraıda vedomstvo basshysy  bul shart Qazaqstannyń memlekettik shekarasyn delımıtatsııalaýdy tolyǵymen aıaqtaıtyn sońǵy qujat ekenin qadap aıtty.

Budan buryn habarlanǵandaı, búgin Parlament Senatynyń jalpy otyrysynda «Qazaqstan Respýblıkasy men Qyrǵyz Respýblıkasy arasyndaǵy Qazaqstan-Qyrǵyz memlekettik shekarasyn shegendeý týraly shartty ratıfıkatsııalaý» týraly Zańy qabyldandy.