Senat halyqtyń jerge menshik quqyǵyn bekitýge qatysty zań qabyldady

ASTANA. QazAqparat – Qazaqstan halqynyń jerge menshik quqyǵy zańnamalyq turǵydan bekitildi. Bul týraly Senattyń jalpy otyrysynda Memleket basshysynyń 16 naýryzdaǵy Joldaýyn iske asyrý máseleleri boıynsha zań jobasyn birinshi oqylymda talqylaý kezinde depýtat Lázzat Súleımen aıtty, dep habarlaıdy QazAqparat tilshisi.

Aıta keteıik, búgin palatanyń otyrsynda «Qazaqstan Respýblıkasynyń keıbir zańnamalyq aktilerine Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, qabyldandy .

«Qujat saılaý júıesin jetildirý, zań shyǵarý protsesterin normatıvtik quqyqtyq retteýdi damytý, memlekettik bılik tarmaqtary arasyndaǵy tejeý men tepe-teńdik júıesin kúsheıtý, sondaı-aq salalyq zańdardyń erejelerin 5 maýsymda ótken Respýblıkalyq referendýmnyń nátıjesindegi Qazaqstan halqy qoldaý kórsetken Konstıtýtsııanyń jańashyldyqtarymen sáıkestendirýdi kózdeıdi. Joba aıasynda 15 Kodekske jáne 46 Zańǵa túzetýler engizý kózdelip otyr», - dedi L. Súleımen.

Osy oraıda ol zańnyń negizgi túzetýlerine toqtaldy.

«Birinshiden, Qazaqstan halqynyń jerge menshik quqyǵyn zańnamalyq bekitý. Elimizdegi jer jáne onyń qoınaýy, sý kózderi, ósimdikter men janýarlar dúnıesi, basqa da tabıǵı resýrstar halyq menshigi dep taný referendýmda qamtyldy. Endi naqty túzetýlerdi Jer, Orman, Sý, Jer qoınaýy jáne jer qoınaýyn paıdalaný týraly kodeksterge engizý usynylady», - dedi senator.

Sonymen qatar, Prezıdenttiń jergilikti atqarýshy organdarǵa qatysty jekelegen ókilettikterin taratý eskerilgen.

Atalǵan qujatta saıası partııalar qyzmetin damytýdyń básekelestik múmkindikterin keńeıtý qamtylǵan. Bul norma elimizde jańa saıası paptııalap qupý úshin jaǵdaılap jasap, paptııalapdy tipkeý pásimin aıtaplyqtaı jeńildetedi.

«Saılaý júıesi ózgertiledi. Saılaý protsesi zamannyń talaptaryna saı jetildiriledi. Sondaı-aq 2023 jyldan bastap aýdandar men oblystyq mańyzy bar qalalar ákimderin saılaý pılottyq jobada, 2025 jyldan tolyqqandy engizý usynylady. Sonymen qatar, depýtattyq mandatty keri qaıtaryp alý tetigi engiziledi. Bul óz kezeginde halyq qalaýlarynyń óz saılaýshylarynyń senimderin barynsha aqtaýǵa, sonyń ishinde saılaýaldy baǵdarlamaryn oryndaý men jergilikti máselelerdi jedel sheship otyrý baǵytynda árqashan halyqpen keri baılanysta bolýyna kepildik beredi», - dedi L. Súleımen.